普洱

出自維基百科,自由嘅百科全書
  想搵中國城市嘅話,請睇普洱市
普洱茶餅

普洱粵拼pou2 nei2,注意「洱」字讀音)係以中國雲南一定區域內嘅雲南大葉種曬青毛茶做原料,經過後發酵加工成嘅散茶同緊壓茶。佢外形色澤褐紅;內質湯色紅濃明亮,香氣獨特沉香,滋味醇厚回甘,葉底褐紅。

普洱茶嘅產地因喺清朝時屬雲南省普洱府(而家普洱市,2007年前係思茅市),所以以此泛稱。實際上,而家被叫做滇普洱茶通常係指雲南地區生產嘅一種茶葉。主要產地係雲南嘅西雙版纳臨倉普洱等地區。

明朝時普洱茶係叫普茶,明成祖朱棣曾下令取消天下龍團同鳳團等緊壓茶,但唔係黑茶係綠茶;喺邊境嘅雲南,呢種古稱「團茶」嘅緊壓茶製作工藝保存萿來。

普洱茶自古被認為有治理腸胃、解油膩嘅功能。主食係牛羊肉同澱粉(青稞)嘅西藏人,據講只要無茶,就會病。現代中國、日本同法國嘅臨床實驗都顯示普洱茶有降低膽固醇血脂嘅功效,對心血管疾病保健好有幫助[1][2]

由於普洱茶「渥堆」工藝一向被視為唔傳嘅秘密,所以造成「黑洞」,令初次接觸嘅人容易買到唔合格嘅普洱茶;所以選購普洱茶必須搵信用良好嘅商家,或特別注意熟茶有無異味。

分類[編輯]

普洱茶可根據形狀、產地、年代、品級、製作工藝、發酵環境等來分類。

品格[編輯]

初製毛茶分為春、夏、秋三個規格。春茶又分春尖、春中、春尾三個等級;夏茶又叫二水;秋茶叫做谷花。普洱茶中以春尖同谷花品質最佳。同佢鮮葉做原料,經特殊工藝製作而成嘅普洱茶,香味濃郁,耐泡,湯黃明亮,香氣清幽,滋味醇厚。

製作工藝[編輯]

依照普洱茶嘅製程,又可分為生茶熟茶。生茶直接將「毛青茶」蒸壓製成型,熟茶就喺蒸壓製前加上一道「渥堆」嘅工序;所謂渥堆,就係將「毛青茶」加水加高提高茶葉溫度,利用菌種嘅好氧反應,將茶葉中嘅植物蛋白水解成胺基酸、並破茶葉嘅葉綠素、氧化產生茶紅素茶褐素。經過「渥堆」呢個轉化程序,普洱茶喺兩個月左右就變得順滑甘甜適合飲用,而生茶就必需再經幾年儲存、經過「陳化」先啱飲用。

發酵環境[編輯]

普洱茶嘅生茶依據儲存方式,又可以分為「乾倉」同「濕倉」。「濕倉」嘅轉化程序較快,「乾倉」就要耐啲,但「乾倉」長期陳化嘅普洱茶風味更好、價錢貴;一般「乾倉」普洱茶要產生茶紅素、俗說「反紅」,根據唔同嘅產地至少需時10-30年。

形狀[編輯]

普洱茶以形狀可分為散茶緊壓茶二類,散茶喺製成「毛青茶」後即刻賣,緊壓茶將「毛青茶」蒸壓製成、磚、沱……等各種形式。緊壓茶具有以下多種形狀:

圖片 俗稱 描述[3]
餅茶 小圓餅形,每塊重100g-5kg;又叫做「七子餅茶」。
沱茶 碗狀,中間下凹,外徑8垔米,高4.5厘米。
磚茶 長方磚形,又可分為青磚茶、米磚茶、黑磚茶、花磚茶、茯磚茶等。
方茶 方形,外形平整,茶磚上多有印字。
緊茶 形狀似沱茶,但多咗一個柄,令形狀類似蘑菇;後因為包裝唔方便,改做磚形。
金瓜 形狀像金瓜,係著名嘅貢茶。

產地[編輯]

普洱茶被國家質檢總局喺2008年5月13號以總局2008年第60號公告批准實施地理標誌產品保護,《地理標誌產品 普洱茶》國家標準亦由國家質檢總局、國家標準委喺2008年8月5號以中華人民共和國國家標準批准發布公告2008年第10號(總第123號)批准發布,於2008年12月1日正式實施[4]

參考[編輯]

  1. 謝春生,謝知音 (2006). . (簡體中文). 12 (12).{{cite journal}}: CS1 maint: url-status (link)
  2. 伍曉陽 (2008-10-31). (簡體中文). 新華網. 原著喺2011-03-26歸檔. 喺2009-03-07搵到.
  3. . 原著喺2012年10月19號歸檔. 喺2012年12月24號搵到.
  4. 家標準理標誌產品 普洱茶得批准發布-地方-人民網. 原著喺2012年5月18號歸檔. 喺2012年12月24號搵到.