國語

想搵呢個詞嘅第啲意思，睇下「國語 (搞清楚)」。

國語、普通話、華語、漢語，係中文（漢藏語系漢語族）嘅一種，基本上係中國北方話；係中國大陸同中華民國嘅官話；亦係華僑常用嘅話之一。「普通話」係大陸嘅叫法，台灣叫「國語」，東南亞叫「華語」。唔同地方用字發音會爭少少。

名

事實上，好多講方言嘅人對國語、普通話、華語嘅定義都唔係好清晰。好多人將國語、普通話、北京話、台灣話互相等義使用，另外又會認為華語等於中文或某種漢語。以下係正式官方定義：

國語，由中華民國教育部國語推行委員會規範同推廣。國立編譯館主編、正中書局出版嘅一部編大專用書《國語》內所解釋，國語分廣義同埋狹義嚟講，茲改述如後：「對外國語嚟講，國內各個民族嘅一切語言同埋文字，可以統稱做廣義嘅國語；向本國，對方言嚟講，就指國家選定以北京地方嘅現代音系做標準音嘅標準國語，係狹義嘅國語，對內用以通行各地，對外作為國家語言嘅代表。」

普通話，按照1956年2月6號中華人民共和國國務院發出關於推廣普通話嘅指示，就係「以北京語音為標準音，以北方話為基礎方言、以典範嘅現代白話文著作為語法規範。」由中華人民共和國政府向全國（唔包括香港、澳門）推廣。而香港同大陸民間有時將「國語」一詞作為大陸普通話以及台灣國語嘅別稱（例如：中國大陸卡拉OK廳裏面嘅「國語歌曲」）。喺香港、澳門兩個特別行政區，根據香港基本法同澳門基本法，中央政府冇向推廣普通話呢方面嘅角色，但兩地政府以及民間機構都會透過唔同管道推廣普通話。

華語，新加坡、馬來西亞作為一種有多數華人使用而非官方嘅漢語，語音多數取自北京話。

聲調

1. 陰平（第一聲） - 5-5 高且平
2. 陽平（第二聲） ˊ 3-5 中升
3. 上聲（第三聲） ˇ 2-1-4 降升
4. 去聲（第四聲） ˋ 5-1 全降
5. 輕聲 ˙

聲母

1. 唇音：b、p、m、f ㄅㄆㄇㄈ
2. 舌尖中音：d、t、n、l ㄉㄊㄋㄌ
3. 舌根音：g、k、h ㄍㄎㄏ
4. 舌面音：j、q、x ㄐㄑㄒ
5. 舌尖前音：z、c、s ㄗㄘㄙ
6. 舌尖後音：zh、ch、sh、r ㄓㄔㄕㄖ
7. 特殊聲母：y、w

韻母

1. 單韻母：a、o、e、ê、i、u、ü ㄚㄛㄜㄝㄧㄨㄩ
2. 複韻母：ai、ei、ao、ou ㄞㄟㄠㄡ ia、ie、ua、uo、üe、iao、iu（iou）、uai、ui（uei）
3. 鼻韻母：an、en ㄢㄣ ian、in、uan、uen（un）、üan、ün、ang、eng ㄤㄥ iang、ing、uang、ueng（ung）、ong、iong
4. 卷舌韻母：er ㄦ