普通高等學校招生全國統一考試
概念[編輯]
呢種制度係最先喺1952年開始搞嘅，到咗1965年因為文化大革命嘅爆發而廢除咗，直到1977年尾先至恢復返。呢種制度都係考生揀大學同埋入大學資格嘅其中一個標準，佢都係中國大陸嘅教育入面，其中一種考試制度。
歷史[編輯]
起源[編輯]
喺1952年開始，由於中央決定要調整高等教育嘅布局，所以喺中國大陸嘅普通高校入面，就開始搞咗全國統一招生考試。而呢個時期就係新中國成立之後，高考制度就開始有喇。
文化大革命時期[編輯]
到咗1966年6月13號，由於中共中央同埋國務院發出通知，決定喺嗰年嘅高等學校嘅招生工作要褪後半年先至開始。到咗1966年6月18號，《人民日報》就發佈社論話：「廢除依家用緊嘅高等學校招生考試」，結果呢個社論就搞到響1966年到1971年期間，成個中國大陸入面嘅間間大學都唔夠膽去招生啦。而到咗1972年到1976年呢個時間，嗰陣大學開始用「自願報名，群眾推薦，領導批准，學校複審」嘅辦法嚟招收工農兵嘅學員。而喺嗰陣時搞到招生嘅基本原則全部破壞嗮而搞出咗「讀書冇用論」呢筍嘢。
毛澤東死咗之後[編輯]
到咗1977年，中國教育部喺北京開咗嘅全國高等學校招生工作會議就決定恢復停咗11年嘅全國高等院校招生考試，以統一考試、擇優錄取嘅方式嚟選拔人才入去大學讀書。而呢個係有轉折性意義嘅全國高校招生工作會議都話埋：「恢復高考嘅對象係工人、農民、上山下鄉同埋返鄉嘅知識青年、復員軍人、幹部同埋應屆高中畢業生。」。而呢次會議重決定咗喺錄取學生嗰陣，將優先保證喺重點嘅院校、醫學院校、師範院校同埋農業院校，而學生畢業咗之後就由國家嚟統一分配。
考試時間同埋次數[編輯]
次數[編輯]
依家喺好多省市地區入面，高考每年凈係舉辦一次。不過有部份嘅省級行政單位係每年舉辦兩次高考（其中多出嚟嘅一次係叫春季高考）。
考試時間[編輯]
喺2003年之前，高考係每年7月7號到9號考試嘅。不過到咗2003年就改咗係每年嘅6月7號到9號。