曉港站

出自維基百科,自由嘅百科全書
跳去: 定向搵嘢
曉港
Xiaogang Station
Xiaogangword.jpg
車站位置 海珠區昌崗東路嘅曉港公園附近
車站色     
車站類 地底車站
經過路線 8
月台 2
出入口數 4
營運資訊
車站服務時間 06:07-23:52
列車服務時間 06:12—23:47

曉港站粵讀hiu2 gong2 zaam6英文Xiaogang Station)係廣州地鐵8號綫嘅一個站,喺海珠區昌崗東路嘅曉港公園冇幾遠嗰度,喺2002年12月29號開放。

  • 2002年12月29號14:00——2003年6月27號最後一班車:2號綫首通段嘅南邊總站。
  • 2002年12月29號14:00——2010年9月21號最後一班車:舊2號綫。
  • 2010年9月25號朝早第一班車——而家:8號綫嘅車站。

車站嘅結構[編輯]

樓層[編輯]

地下
一樓
站廳 售票機、客服中心、地鐵警務室
地下
二樓
月臺 8號綫列車往昌崗站鳳凰新村方向)
島式月台,開左邊門
月臺 8號綫列車往中大站萬勝圍方向)

站台[編輯]

呢個站有1個島式月台,喺昌崗東路嘅地底。

曉港站嘅站廳
曉港站嘅站台

呢條綫嘅西邊都有條聯絡線同舊嘅2號綫(唔係而家嘅2號綫)江南西站南邊嘅北行綫接埋一齊。喺2010年9月21號之前,呢條綫係舊2號綫嘅正線,而家成日用喺車務調動嗰度。而接2號綫同8號綫嘅下行綫路軌方面,因為兩條綫之間啱啱好搞出咗十字架形,所以喺2010年9月22號拆走咗。隧道都俾牆封實嗮。

月台全景(去鳳凰新村嗰邊,喺2014年8月5號影。)

商鋪同自助服務[編輯]

而家嘅林和西站入面有好多唔同類嘅鋪頭畀乘客買嘢同埋食嘢,好似有便利鋪、麵包鋪等。

另外,林和西站入面重有好多自助服務設施畀乘客用,包括咗民生銀行中國銀行自動櫃員機自動販賣機、自動影相機等;重有好易機嚟充羊城通,交水電費同交通嘅罰錢呢尐服務;而M-Touch機係可以查地鐵嘅路線、頭尾班車同埋地鐵嘅安全指引,重可以畀乘客登記變成廣州地鐵薈嘅會員嚟查獎分、換獎品都得。

出入口[編輯]

編號 標記 去到邊度
出入口A 昌崗東路 昌崗東路、曉港公園、嶺南畫派紀念館、廣州美術學院
出入口C 曉港西馬路 曉港西馬路、細崗路、昌崗東路小學、安信證券昌崗東路營業部、市政公廁(出站之後嘅斜對面30米嗰邊)
出入口D 新港西路 新港西路、東曉路、泰沙路、廣州市第九十七中學
註: 有盲人引導徑 | 有輪椅升降臺

車站歷史[編輯]

規劃時期(1988年)[編輯]

喺1988年嘅「十字綫網」規劃入面就出咗嗰時嘅「美術學院站」,佢就係而家2號綫嘅一個站,而車站位就同而家差唔多。後嚟喺1997年嘅《廣州市城市快速軌道交通線網規劃研究(最終報告)》入面話咗要將條2號綫一分為二,而呢個站係話嗰時5號綫(唔係而家嘅5號綫)嘅一個站。但呢個站到琶洲嗰橛都加入咗2號綫首通段嘅工程入面,之後用咗先行貫通,重留低咗拆解嘅條件。而規劃嘅車站名都改咗嗌「曉港站」嘅名。

通車之後,舊2號綫時期(2002年12月28號——2010年9月21號)[編輯]

2002年12月29號,呢個站因為2號綫首通段(三元里往返曉港)通咗車之後先至開咗,嗰時佢係2號綫首通段嘅臨時南邊終點站。後嚟喺2003年6月8號,由於2號綫從呢個站去到琶洲嗰橛通咗車,所以呢個站就變咗中途站。

2號綫同8號綫一分為二(2007年6月25號——2010年9月25號)[編輯]

喺2007年6月25號,由於國家發改委通過咗廣州地鐵2號綫同8號綫嘅延長段工程,而呢個工程喺2007年8月份就正式逳手。[1]佢就係將舊嘅二號綫喺呢個站同江南西站之間嘅位拆開佢,重分別向南、西、北三個方向延長。就喺2010年9月22號——24號,由於成條舊嘅二號綫都停運咗嚟搞線路一分為二嘅工程試。

8號綫時期(2010年9月25號之後)[編輯]

喺2010年9月25號朝早,呢個站改咗係8號綫嘅一部分而重新開放。而家喺呢個站向西開出嘅8號綫列車改咗去新起嘅昌崗站嗰邊,而唔係去江南西站嗰度。

C出入口好難開通?[編輯]

呢個站喺2002年12月29號開通咗之後凈係得2個出入口,佢唔單止設計得唔夠科學,相反重一直用咗好耐下,呢個現象俾市民猛咁鬧。雖然話喺A出入口附近嘅客流就得好少,但係有雙向嘅扶梯,而D出入口附近雖然話有好多個居民區,而且客流好多,但係凈得條又窄又多彎嘅樓梯響度。喺上落班高峰期,D出入口就逼到爆咁滯,唔單止入站啲乘客喇,甚至連出站啲乘客都排嗮長龍,由站廳去到馬路入面都有,嗰時要好多位站務工作人員嚟維持秩序,嗰時入站同出站成日都要5-10分鐘咁耐,而呢個現象就一直去到2010年9月21號先至結束。由於2010年9月25號嘅舊2號綫一分為二之後,之前成日喺呢個站度轉巴士去海珠區南邊嘅乘客,而家可以坐拆解咗之後嘅2號綫去都得喇,甚至有乘客一窩蜂噉去嗮昌崗站度坐車都有,結果D出入口嘅客流一落千丈,即刻少咗好多。就喺2010年11月11號,等咗好耐嘅曉港站C出入口開通咗,但係已經冇乜作用喇。

利用狀況[編輯]

呢個站附近冇幾遠就係廣州市美術學院,而且附近重係一片住宅區,冇乜大購物區同埋旅遊區。喺2010年9月22號之前,住喺海珠區西南邊嘅大多數住宅區啲人都係先坐巴士嚟呢個站度轉地鐵2號綫,所以呢個站都幾火爆下,而且重人山人海添。但喺2010年9月24號之後,呢個站嘅部分客流已經去咗新開嘅2號綫南段嘅車站度上落車,所以呢個站又變返附近啲住宅區嘅人嚟上落車,喺上落班高峰期嗰陣,客流先至逼到爆咁滯。平時就客流都一般下。

附近嘅建築同景區[編輯]

[編輯]

上一站·下一站[編輯]

上一站 ⇐⇐ 廣州地鐵 ⇒⇒ 下一站



終點 '
'
{{{Line}}}
終點