曹叡

曹叡（205年—239年1月22號），字元仲，係中國三國時代曹魏嘅第二位皇帝。

生平

曹叡係曹丕元配甄夫人所生，由細個就得到阿爺曹操嘅鍾愛，220年封做武德侯，第二年封齊公，再第二年封平原王。由於甄夫人得罪咗曹丕，所以曹叡冇即刻畀曹丕立做太子，有一段時間曹丕甚至想立另一個仔做太子。一直到226年曹丕就快病死，先至立曹叡做太子，又召曹真、曹休、陳群、司馬懿，要佢哋接受遺詔，輔佐嗣主。五月十七日，曹丕喺嘉福殿駕崩，曹叡繼位，是為明帝。

239年初，曹叡病重，召司馬懿同埋曹爽託孤，要佢哋輔佐年幼嘅曹芳，嗰日即逝世，在位13年，享年35歲，葬高平陵。