曾近榮

出自維基百科,自由嘅百科全書

曾近榮1927年3月30號2011年9月10號),人稱曾Sir,喺廣州出世,早年移居香港1960年代開始主理家事常識環節而聞名,一直都幫香港嘅電視觀眾解答家居生活上嘅各種疑難,廣受香港觀眾,尤其是家庭主婦歡迎,畀人尊稱「家居小博士」;而因為佢成日建議用哥士的清潔家居污跡,亦有「哥士的王子」嘅稱號。

曾近榮早年喺培道中學中文科先生1986年退休之後,除咗繼續主持家事常識節目之外,又開展演藝工作,參與演出無綫電視處境劇《城市故事》,飾演劇入便嘅公務員阿爸許潤。曾近榮亦喺呢段期間客串演出多部電影,最令人留低深刻印象嘅係喺《逃學威龍》飾演一位記性差嘅化學科先生。

1995年曾近榮離開無綫電視之後,喺筲箕灣天悅廣場開咗間家居產品小商店——曾sir專門店。

曾近榮已婚,有一個囝,佢個囝曾迪維曾經係香港電台頭條新聞》節目主持人之一。

2011年9月10號晚曾近榮因病離世,享年84歲。