最緊要正字
出自維基百科，自由嘅百科全書
 |
呢篇文內容有所偏頗，或者地方色彩太重，拗緊。 請喺編輯之前睇下討論版。 喺拗掂數之前，請勿拎走本告示。 |
《最緊要正字》（More than Words）係香港無綫電視嘅一個電視節目，響2006年10月15號星期日首播，一個星期播一集；響12月16號起，改響星期六播出。節目係由王貽興、徐淑敏同埋沈卓盈主持。其中嘅內容有講解其中嘅錯別字同埋正字加上佢嘅用法，重有考吓啲嘉賓寫嘅字係唔係正字。響呢個節目度，亦都包括咗有關傳統字同化字之間嘅差異同埋用法。
[編輯] 批評
個節目出咗之後，有唔少人批評呢個節目其實係「正字為名、正音為實」，或者覺得根本係何文匯教授推行嗰套正音活動嘅延續。而當中以王亭之特別激烈，極力反對何文匯提出嘅粵語正音，佢因為咁而搞咗個粵語文化傳播協會。
由於《最緊要正字》嘅成功，令「寫正字、讀正音」嘅風氣越嚟越勁，亦令到香港好多文化人都開始關心「正音」嘅影響力。而呢種影響已經由規範書本嘅「文讀」去到「白讀」（即日常語音），甚至香港中學會考中文科口試亦都以何文匯提倡嗰套「正音」為標準。粵語文化傳播協會重罕有咁寫信畀特首曾蔭權，要求當局正視問題 [1] [2] [3]。
亦有人喺 Blogger 度寫咗一系列對《最緊要正字》嘅批評 [4] [5] [6]。
