會督府

出自維基百科,自由嘅百科全書
跳去: 定向搵嘢

座標: 22°16′48.15″N 114°9′21.64″E / 22.2800417°N 114.1560111°E / 22.2800417; 114.1560111

會督府

會督府Bishop's House),又叫聖公會會督府,家陣多數叫主教府,喺香港聖公會成立之後,正式成為香港聖公會教省辦事處,係香港聖公會一座歷史建築,位置喺香港島中環下亞厘畢道1號近鐵崗一帶,係「政府山」一部分,而家被列為香港一級歷史建築

[編輯]

會督府嘅起源可以追溯到1843年史丹頓被任命為香港殖民地牧師。會督府喺1848年建成,原本係一間為華人而設嘅學校──聖保羅書院。當新嘅維多利亞教區成立時,史丹頓將書院移交給新任命的施美夫主教。喺1849年1950年期間曾用做聖保羅書院校址,第二次世界大戰後聖保羅書院搬去般咸道。而家係香港聖公會教省辦事處,並已被列為一級歷史建築。

建築風格[編輯]

建築建築係屬於刁陀復興式,設計簡單優雅,基石由花崗岩築成,上有一座三層高碉堡式八角形嘅塔樓。係香港早期嘅西式建築,比禮賓府史更加悠久。

保育[編輯]

2009年,聖公會宣佈攞8億元保育中環建築群,當中下列四幢歷史建築將佢保留同復修:

  • 會督府:建於1848年,現為一級歷史建築。建築以花崗岩築成屋基,兩層樓高,單邊後方有三層樓高碉堡式八角塔樓,屬刁陀復興式風格。原本係主教住宅同聖保羅書院最早期嘅校舍。打算保留作香港聖公會大主教辦事處,內設博物館,拆除近呢幾年新設嘅窗口式冷氣機同樓梯,並為傷殘人士增加設施。
  • 聖保羅堂:建於1911年,打算傾傾成為一級歷史建築,屬哥德式風格。頂部建有尖長嘅塔樓,係中環早期為華人而設嘅基督教會。當時上層係禮拜堂,下層用做聖保羅書院課室。二戰嗰陣,教堂被徵用做日軍憲兵訓練學校。翻新後將全面對外開放。
  • 廣傑樓:建於1851年,打算傾傾成為三級歷史建築。原本聖保羅書院南翼,係書院最早期嘅校舍。之後曾用做基恩小學校舍同聖公會刊物辦事處。2007年復修,畀明華神學院學生上堂同住宿,並立名為「廣傑樓」以表揚鄺廣傑大主教。打算留做聖公會辦公室同埋綜合活動中心。
  • 前教堂禮賓樓:建於1919年,打算傾傾成為一級歷史建築。樓高三層,又叫馬丁樓,原本聖保羅書院宿舍,後來做多位傳教士居所。著名歐亞混血女作家韓素音喺呢到住過。日佔時期,係好多來自中立國嘅基督徒避難之所。近年新設嘅窗口式冷氣機同鋁窗將會拆除。

重有,下列建築會被重建:

  • 中庭:清拆莫慶堯樓、約翰馬利樓同聖公會福利協會等戰後建築,搬走明華神學院同聖公會幼稚園,改建為多層圓形中庭,設玻璃同綠化天幕。供基督教表演同聚會使用、藝術品展示同設餐飲區。
  • 宿舍同社區中心:拆卸重建為新大樓,前排高11層,後排高13層,將設社區服務中心、神職人員宿舍、教會檔案室、文物館。
  • 港中醫院:將改建做11層高嘅綜合醫療服務中心,提供醫療、長者院舍等服務。

出面網頁[編輯]