月光

出自維基百科,自由嘅百科全書
跳去: 定向搵嘢
月光

月光[1],又叫月亮或者,古代叫太陰天文學上叫佢做月球,用Moon symbol crescent.svg來代表佢,係地球唯一嘅天然衞星太陽系第5大衞星。佢嘅標誌係新月。佢之所以叫月光,皆因佢係地球望上第二光嘅嘢,夜晚重係最光嘅嘢。而叫月球呢,就係天文學家發現,月光其實係一個球體,作以就叫月球喇。而科學文章多數叫佢做月球。

月球同地球嘅平均距離係384,405千米(238,857英里)。月球嘅直徑係3,476千米(2,160英里)。由月球反射嘅陽光,用1.3秒就射到落地球。

地球望上天,個月會有盈虧,因為地球望上月球反射面,大細會唔同。農曆一個月裏面,初一咗左右,個月會消失,唐人習慣叫呢個新月。之後會光到一半,叫上弦月,到十五左右,就最圓,叫圓月月圓,之後會縮返細。到一半大,就叫下弦月,最後到咗下個初一左近,又會消失。回敎地方習慣月光啱啱有光先叫做新月,同唐人唔同。

1969年杭思朗艾德靈成為最先登陸月球嘅人。1969年9月美國「阿波羅11號」太空梭返去地球,美國「阿波羅」登月計畫至阿波羅17號完。

正面同背面[編輯]

月球係一個天然衞星,月球嘅正面永遠對住地球。另一方面,除咗響月面邊沿附近嘅區域因天秤動而間中可見之外,月球嘅背面絕大部分唔可能由地球睇得見。響冇太空探測器嘅年代,月球嘅背面一直係個未知嘅世界。

月球背面嘅一大特色係佢幾乎冇月海呢種較嘅月面特徵。而當探測器運行到月球背面嗰陣,佢就唔可以同地球直接通訊

Moon PIA00302.jpg   Moon PIA00304.jpg
正面(地球上睇到)   背面(地球上睇唔到)

月蝕[編輯]

內文: 月蝕

月蝕係一種特殊嘅天文現象,指當月球運行到地球嘅陰影部份嗰陣,即係太陽、地球、月球啱啱好(或幾乎)響同一條直線上,響月球同地球之間嘅地區會因為太陽光被地球擋咗,睇到月球少咗一嚿。

水嘅存在[編輯]

自古以來,彗星隕星不斷咁撞擊月球。呢哋物體中嘅大部分都有。來自陽光嘅能量將呢哋大部分嘅水分分解成組成佢嘅元素,氫同氧。兩者通常都會即刻飛離月球。但係,有科學家提出假說,認為重有相當含量嘅水喺月球之上,例如響表面或深藏響月殼入面。美國克萊門汀任務顯示,一啲細小嘅水冰冰塊(含水彗星撞擊後嘅碎片)可能收埋響永久冇太陽照區域嘅月殼入面未融。雖然呢哋冰塊好細,但總水量可能相當可觀(約有1立方公里)。

而有啲水分子,亦可能響月面彈跳其間跌入隕石坑而收埋響入便。由於月球自轉軸相對於黃道面法線有1.5度嘅輕微傾斜,部分極區嘅隕石坑底部從來冇受陽光照射,響永久嘅影子入便。克萊門汀任務曾經測量月球南極呢哋隕石坑[2]並繪製成地圖[3]。科學家期望可以響呢類隕石坑中揾到水冰,並開採同利用太陽能電力或者核能來電解成氫同氧。月球上可用嘅水量大大影響咗人類響月球上住嘅成本,因為由地球運送水(或氫同氧)貴到不切實際。

由阿波羅號上嘅太空人響月球赤道附近收集嘅岩石冇任何水分。月球勘探者號或其他近期研究(例如:史密森學會)都冇揾到液態水、冰或者水蒸氣嘅直接証據。然而,月球勘探者號嘅結果指出響永久無日照區有氫,並可能以水冰嘅形式存在。

2009年11月13號美國太空總署宣布響月球發現水,兩粒衞星月球坑觀測同感測衞星響10月初撞月球南極所彈出嘅塵,科學家分析有關數據,確認月球有水[4] [5]

內部構造[編輯]

月球表土嘅化學成分(由月面嘅岩石推導出嚟)[6]
化合物成分 型式 成分 (wt %)
高地
二氧化矽 SiO2 45.4% 45.5%
氧化鋁 Al2O3 14.9% 24.0%
氧化鈣 CaO 11.8% 15.9%
氧化鐵 FeO 14.1% 5.9%
氧化鎂 MgO 9.2% 7.5%
二氧化鈦 TiO2 3.9% 0.6%
氧化鈉 Na2O 0.6% 0.6%
總計 99.9% 100.0%
內文: 月球內部構造

參考[編輯]

  1. 廣東俗語考 釋天時
  2. [1]
  3. [2]
  4. 美國太空總署宣布月球發現水. 中國廣播公司. 14-11-2009. 
  5. 美国航天局13日宣布:月球上存在水. 網易. 14-11-2009. 
  6. Taylor, Stuart Ross. Lunar science: A post-Apollo view. New York, Pergamon Press, Inc. 1975. 64. 


Wikiquote-logo.png
維基語錄收錄咗同呢篇文相關嘅摘錄:


太陽系
太陽 水星 金星 月 地球 火星嘅衞星 火星 小行星帶 木星 木星嘅衞星 木星環 土星 土星嘅衞星 土星環 天王星 天王星嘅衞星 天王星環 海王星嘅衞星 海王星 海王星環 冥王星嘅衞星 冥王星 妊神星嘅衞星 妊神星 鳥神星 柯伊伯帶 鬩衞一 鬩神星 黃道離散天體 歐特星雲Solar System XXX.png
太陽系同八大行星太陽 · 水星 · 金星 · 地球 · 火星 · 木星 · 土星 · 天王星 · 海王星
自然衞星木衞三 · 土衞六 · 木衞四 · 木衞一 · 月球 · 木衞二 · 海衞一 · 天衞三 · 土衞五 · 天衞四 · 土衞九
行星環木星環 · 土星環 · 天王星環 · 海王星環
矮行星穀神星 · 冥王星 · 妊神星 · 鳥神星 · 鬩神星
太陽系細嘢流星 · 隕星 · 小行星近地小行星 · 小行星帶 · 半人馬小行星 · 外海王星天體柯伊伯帶 / 黃道離散天體) ·
彗星歐特星雲