月餅會
月餅會,簡稱餅會,係香港預售月餅一種方法,人客用供款方式買月餅。呢個方法,方便人客唔使一次過畀大筆錢買月餅之餘,餅舖亦可以預先知道需求,要造幾多月餅,有筆錢買料周轉。
因為月餅係用來送禮,要畀好多親朋戚友,分分種要十幾二十盒,所以唔係家家可以一次搞掂。餅家就有月餅會呢樣嘢方便人客,兼且可以做平啲。供月餅係以一份份計,亦可以供半份。一份係十盒餅,半份係五盒餅。
1970年代,月餅會試過供不應求,人人爭住做月餅會。
睇埋[編輯]
出面網頁[編輯]
- 葉永成 (1998-10-05). 〈月餅會需求減市場萎縮 踏上式微路〉. 香港: 經濟日報.
- 〈月餅會單張 見證客人口味〉. 文匯報. 2008-09-06.
- 〈即日開收明年月餅會〉.