期權
出自維基百科，自由嘅百科全書
期權（Options）係種金融衍生工具，當中買方可以係特定既日子之內賣方進行交易。期權既特點係買方初時要俾一個費用（權利金）賣方；係雙方釐定（傾好）所標定物品既價格後，期權既買方就有一個執行權去決定係特定既日子之內同唔同期權既賣方以履約價進行交易。如果買方決定行使呢個權利，賣方就有義務去進行呢個交易。否則，係合約期滿左之後，而買方又唔去行使呢個權利既話，呢個期權就會自動失效。
期權一般可以分為認買（Call Option）同埋認沽期權（Put Option）。看漲期權表示買方有權去以釐定價將標定物買入﹔由於呢份期權合約暗示買方睇好呢件標定物之後既價格，所以價格升得越高就對買方越有利。相反，看跌期權表示買方有權去以釐定價將標定物賣出﹔由於呢份期權合約暗示買方唔睇好呢件標定物之後既價格，所以價格跌得越多就對買方越有利。
基本上，期權既標定物可以係任何野﹔但係金融市場上一般比較常見既就有股票、外匯、利率等。如果買方可以係限期之內任何時間行使權利，呢份期權就叫美式期權。如果買方只係可以係限期哥陣行使權利，呢份期權就叫歐式期權。
目前世界上最大既期權交易所係芝加哥期權交易所（Chicago Board Options Exchange, CBOE）
