未來戰士

出自維基百科,自由嘅百科全書
跳去: 定向搵嘢

未來戰士(Terminator)係一系列以科幻為題材嘅跨媒體製作。故仔主要講天網(Skynet)整出嚟嘅人工智能機器,同 John Connor 為首嘅對抗組織同埋人類之間嘅戰鬥。

[編輯]

未來戰士 (戲)未來戰士續集未來戰士3:殲滅者TX

唔同嘅未來戰士角色[編輯]

未來戰士係由一個叫天網嘅高智慧程式所製造出嚟嘅機器,之後啲機器認為人類係最大嘅威脅,就攻擊並俘虜人類,喺嗰次攻擊之後冇事嘅人稱嗰次攻擊為審判日(Judgment day)。

T-1[編輯]

T-1係由Cyber Research Systems所製造嘅第一部殲滅者,有個好似坦克嘅履帶去移動,重有副強硬嘅護甲。佢可以360度轉動同有兩個50口徑嘅機關槍。

T-600[編輯]

T-600係天網用合金所做嘅滲透型殲滅者,骨架比較大同笨拙。容易分辨係人定殲滅者,因為佢嘅皮膚係膠皮。多數配備高火力武器好似俾天網改良過嘅M-134機槍同榴彈發射器。

T-800[編輯]

天網第一個成功嘅滲透型殲滅者,因為佢係第一個用活生化組織做皮膚嘅殲滅者。佢比T-600輕20%同大力40%,但骨架都比T-600細。

T-850[編輯]

T-800嘅改良,比T-800更快同更大力,比T-800更能有效擋住等離子武器嘅攻擊。而T-850係用雙氫燃料電池嘅。

T-1000[編輯]

同以往嘅唔同,全身都由液態金屬(Mimetic polyalloy)做成,可以變形、變樣,變啲簡單嘢好如咁。遇高温(1535度)就會熔解;超低温,全身會變硬。怕等離子武器,所以唔適合上戰場。好怕強磁場。

T-X[編輯]

由天網做嘅殲滅者,俾John Connor稱為Terminatrix。骨架係由可塑性晶體陶瓷裝甲、納米碳纖維同鈦合金製成。外表同T-1000一樣係由Mimetic polyalloy做成。骨架可變成各種武器,有等離子砲、火焰噴射器、電鋸等。比T-850更大力同快。