本地

出自維基百科,自由嘅百科全書
  「本地人」跳轉到呢度。有關喺一笪地方住開嘅人,請睇「當地人」。

本地粵拼bun2 dei6英文Punti)係珠三角地區嘅概念,指世代土生土長喺珠三角、同時又係以白話做母語嘅人,舊時同客家相對。入面嘅人叫本地人,講嘅話就叫本地話

現時珠三角地區有大量嘅非粵語人口,大部份來自外省,面對佢哋時,廣東人亦自稱爲本地,相對應佢哋稱做「外地、外省、北方」。由於廣東人嘅族群概念係以語言來分嘅,唔認同嗰啲人做本地,係話佢哋唔識白話,唔肯融入當地嘅文化,而唔係話佢哋祖籍外地、血統外地。