朱常洛

出自維基百科,自由嘅百科全書
跳去: 定向搵嘢
朱常洛

朱常洛儒略曆1582年8月28號額我畧曆1620年9月26號,萬曆十年-昌泰元年)係大明國第十四任皇帝,佢死後廟號光宗諡號崇天契道英睿恭純憲文景武淵仁懿孝貞皇帝。佢做得一個月皇帝,年號係昌泰,所以又叫做昌泰皇帝。朱常洛係神宗朱翊鈞大仔,而佢阿媽係恭妃王氏。朱常洛一生都響鬥爭裏面過,亦都出名好色。

生平[編輯]

1582年,佢阿媽恭妃原本係慈聖皇太后宮女,出身低,所以朱常洛無乜點理過佢。朱翊鈞只係鍾意鄭貴妃,重想立鄭貴妃生嘅朱常洵做太子,不過朝臣話大明只係會立大仔做太子,反對咁做。佢哋一鬥就十五年。去到1601年(萬曆廿九年),朱常洛響恭聖皇太后同班朝臣支持之下,就做咗皇太子。1615年(萬曆四十三年),發生梃擊案,係明末宮廷大三案之一。太子俾張差拎支棍闖入太子間屋慈慶宮,打傷守門口太監。好彩內侍韓本用發覺,通知人捉走佢。呢件事懷疑係鄭貴妃使人做嘅。

1620年,萬曆四十八年,朱翊鈞死咗。朱常洛做咗皇帝,年號泰昌。朱常洛做皇帝之後,就要對住佢阿爸啲蘇州史。無論係政、經濟、宮廷、軍事都敗壞。外有後金威脅,裏面就快瓦解。

泰昌帝登位後,朝內黨爭同埋宮闈糾紛更加尖銳,先後發生移宮案、紅丸案。萬曆帝死後,貴妃鄭氏重住喺乾清宮,以獻美姬爭當皇太后,皇太子登位後唔可以住喺乾清宮。泰昌帝寵妃挾持皇太子於乾清宮,力爭皇后寶座。喺以東林黨人為主力嘅朝臣強大壓力下,至迫使鄭貴妃、李選侍由乾清宮搬出。新皇帝朱常洛入住乾清宮後,每日沉於酒色,繼位冇幾多日,就一病不起。鴻臚寺丞李可灼呈上二丸僊丹,朱常洛食咗之後第二日朝早死咗,引起「紅丸」之爭。泰昌帝死時得39歲,只做咗一個月皇帝,史稱「一月天子」。呢個時候萬曆皇帝屍棺重未埋葬,泰昌帝地宮亦冇可能喺短期內整好。無奈之下,就喺原北京昌平景泰陵廢址上重建新陵,天啟元年(1621年)三月重新修繕,八月完工,九月入葬,名為慶陵。陪葬嘅有孝元、孝和、孝純三個皇后。