李嘉欣

出自維基百科,自由嘅百科全書
跳去: 定向搵嘢

李嘉欣葡文Michelle Monique Reis1970年6月20號—),嚮澳門出世,1988年香港小姐冠軍。

生平[編輯]

選美[編輯]

李嘉欣係中葡混血,老豆葡萄牙人,有一個家姐。中學時代係響瑪利諾修院學校讀書。李嘉欣童年時代好唔平凡,3歲時就做過廣告童星,14歲就做模特兒。當時候冇咩女仔會有咁好彩。

18歲李嘉欣啱啱參加完中學會考,就參選咗香港小姐。佢輕易咁贏咗冠軍。第二年國際華裔小姐,李嘉欣亦都得到咗冠軍。當時有人形容李嘉欣係「驚艷」。即使到咗依家,人哋都會話李嘉欣至係真正嘅港姐冠軍。

演出[編輯]

當選港姐冠軍之後,李嘉欣開始參與幕前演出。佢第一部作品係無綫劇集《花月佳期》,同吳鎮宇合演。無耐佢開始演出港產片,好似周星馳主演嘅《鹿鼎記》李嘉欣就有份演出。佢最突出嘅係1993年黎明合演嘅《原振俠》。

基本上李嘉欣無論喺電影抑或電影,都係演出一啲靚女角色。因此有人會以「花瓶」形容李嘉欣。由佢到而家都未獲獎項提名嚟睇,反映出冇咩人認同李嘉欣嘅演技。隨住九十年代尾港產片市道轉差,李嘉欣已經再冇點演戲。

感情生活[編輯]

外界一般都望住李嘉欣感情史多過佢嘅演出。佢早喺啱啱參選港姐嗰陣就同倪震拍拖,但無耐分咗手。1992年佢又傳出同黎明有來往。之後佢成日都牽涉到一啲城中名人嘅緋聞,當中有啲名人重已經結過婚,因此成日俾人鬧狐狸精。到咗年前李嘉欣終於同許晉亨結婚[1]

演出作品[編輯]

電視劇[編輯]

電影[編輯]

出邊參考[編輯]

  1. 嘩嘩嘩!打到嚟! - 城中名人專訪 - 李嘉欣


前任:
楊寶玲
香港小姐競選冠軍
1988年
繼任:
陳法蓉
首任 國際華裔小姐競選冠軍
1988年
繼任:
黃美洁