村上春樹

出自維基百科,自由嘅百科全書
村上春樹 (2009)

村上春樹(Haruki Murakami,1949年1月12號—)係日本小說家翻譯家。佢風格嘅特點係超現實主義元素同對流行文化啲嘢嘅著力描寫同引用。村上春樹嘅書得到好多文學獎,並且俾人翻譯成超過40種語言,部份作品被改編成電影同電視劇本。佢喺東京開過爵士酒吧,重翻譯美國文學同埋喺美國大學做過4年嘅客席教授

生平[編輯]

村上春樹1949年京都伏見區出世,佢老豆係一個住持和尚嘅仔,佢阿媽係大阪市船場商家個女。村上嘅童年喺神戸嘅一個郊區度過,嗰時因為父母嘅支持佢睇咗好多日本文學嘅書。村上少個嗰時就對世界文學音樂好有興趣,呢一點啱好同佢雙親嘅職業相反。當神戶重係一個港口城市嗰時,佢好容易可以從駐守喺呢度嘅美國軍人度搞到二手書,咁佢就接觸咗好多英文原版小說。呢個愛好影響到村上以後嘅文學創作。

1968年村上開始入咗早稻田大學戲劇系。喺呢度佢識咗佢老婆高橋陽子,響1971年10月佢退咗學同陽子去註冊結咗婚,佢哋直到而家重喺埋一齊。佢喺唱片行打工,直到1974年佢自己響京都嘅爵士酒吧開張——個名叫作Peter Cat,直到1982年轉讓咗。呢段經歷對村上嘅作品有好大嘅影響:佢用歌曲做名嘅書好多,比如話《挪威的森林》係披頭四嘅歌同《舞 舞 舞》係The Dells嘅歌Dance Dance Dance[1]。重有《國境之南 太陽之西》就提到一個爵士酒吧。

1978年村上開始佢嘅小說創作,根據村上自己嘅講法係,希爾頓(Dave Hilton)喺一場棒球比賽入邊令人印象深刻嘅一擊,激發咗佢要寫小說嘅念頭。1979年1980年村上發表咗自己嘅頭兩部小說,係《聽風的歌》同《1973年的彈珠玩具》,呢兩部小說明確咗佢今後嘅方向。1984年佢搬咗多次屋(藤澤市東京大磯町),重去咗意大利希臘旅行。1991年村上去咗普林斯頓大學,先係做客席講師,然後係客席教授1993年7月村上接到電話邀請又去咗麻薩諸塞州梅德福塔夫斯大學,兩年之後先返到日本。2001年開始又住喺大磯町。

獎項同榮譽[編輯]

[編輯]

注解[編輯]

  1. 好多人話《舞 舞 舞》來自Beach Boys嘅歌,但係村上春樹自己話係來自The Dells嘅歌