杜甫（712年—770年），字子美，號少陵野老，中國唐朝詩人。佢住過長安少陵，所以叫杜少陵，又做過檢校工部員外郎，所以又叫杜工部。
杜甫想幫國家手，但係唔得志。安史之亂重打亂晒佢一生。但佢係中國重要詩人，有人叫佢做詩聖或詩史。佢同佢好朋友李白合稱李杜。佢阿爺杜審言亦係唐代詩人。
杜甫嘅詩初頭唔係咁畀人受落，但後來對中國同日本文化有好大影響。介紹佢啲作品去西方各國嘅時候，都會同當地大文豪來比。
