東山湖公園
23°7′2.20″N 113°17′13.15″E / 23.1172778°N 113.2869861°E
提示：呢篇文講嘅唔係增城東湖公園。
東山湖公園（粵拼：dung1 saan1 wu4 gung1 jyun2），簡稱東湖公園，係廣東省廣州市嘅一間公園，係喺大沙頭東端原名「崩口塘」嘅低地，後尾畀人工改建成東山湖公園，宜家喺東山海印橋東北邊同二沙橋北邊冇幾遠嗰度。
呢間公園喺1958年開始逳手起，1959年5月1號起好兼開放。佢既係前東山區（喺2005年取消咗）入面嘅綜合性文化休息公園，又喺1963年入選咗羊城八景，嗌「東湖春曉」。
地理位置[編輯]
呢間公園嘅西邊係東湖路；南邊係珠江；東邊係珠島賓館；北邊係龜崗商業區。
名[編輯]
其實呢間公園出喺古代廣州城嘅北邊——小東園嘅一座山仔，而呢座山仔同流花湖西南邊嘅西山、北邊嘅北山（而家係越秀山）相對應，所以「東山湖」嘅名就係噉嚟。公園簡稱「東湖」係因為對應返舊時藥洲嘅西湖。
敘述[編輯]
呢間公園嘅佔地面積有33.114公頃，不過陸地嘅面積重細個水域面積，其中陸地面積有12.2公頃，而水域面積有20.914公頃咁大。公園入面好似成座山水畫噉，湖入面啲水都好清下。其中湖入面有5個半島同1個孤島響度，每個半島到島之間有九曲橋、五孔橋、拱橋連埋一齊，同有嶺南特色嘅亭、廊、榭、閣、花架形成一體。而花卉方面，呢間公園入面種咗紫荊同柳堤響度，入面有10000幾樖110種唔同嘅喬灌木響度，一到春天就好靚。喺春天同秋天嗰陣，公園重會辦大型花展。
主要嘅景區[編輯]
- 九曲橋
- 落虹橋
- 五拱橋
- 浪漫花島
- 康樂林
- 東湖廣場（薈江湖）子母皇冠
入面嘅設施[編輯]
公園入面有舞廳、桌球室、電子遊戲室、老人活動中心、滑冰場、小賣部等娛樂基礎設施，重有釣魚區、撐艇區等遊樂區域；同埋酒樓、酒吧呢啲餐飲區。