東萊區

出自維基百科,自由嘅百科全書
跳去: 定向搵嘢
東萊區
諺文 동래구
漢字 東萊區
文觀部式 Dongnae-gu
馬賴式 Tongnae-ku
概況
面積 16.64 km2 (6.42 sq mi)
人口 (2013) 284,901
人口密度 171 /km2 (440 /sq mi)
政區 14個洞
位置
Dongnae-gu BUSAN.PNG

東萊區粵讀:dung1 loi4 keoi1)係韓國釜山嘅市轄區。人口28萬(2013年),面積16平方公里。東萊曾經係獨立城市,亦曾係韓國南部嘅埠頭。東萊有好多溫泉,喺溫泉洞嘅虛心廳係亞洲最大嘅溫泉SPA。

[編輯]

新羅之後,今日釜山廣域市大部分地方都歸東萊郡/東萊府轄,喺釜山城市興起前,東萊先係當地嘅中心。「東萊」嘅意思係「萊山之東」,所謂萊山,即係傳說話有神仙住嘅蓬萊山嘅簡稱。東萊地方原本係埠頭,係舊時韓國外貿重港,從中古到近代呢度係朝鮮、日本之間嘅外交重地。

近代釜山城市興起,東萊因為有溫泉就開發成度假、高檔居住區。1930年成為東萊邑,1942年併入釜山府。東萊區設立之初幾大嘅,後來陸續分出部分畀其他區。

年表[編輯]

  • 1914年4月1號,東萊郡分出咗釜山府。
  • 1931年4月1號,東萊郡嘅東萊面升爲東萊邑(東萊面係東萊郡核心,即而家嘅東萊區)。
  • 1942年10月1號,東萊邑併入釜山府。
  • 1951年9月1號,成立東萊出張所
  • 1957年1月1號,設東萊區,有壽安洞、福泉洞、明倫洞、漆山洞、樂民洞、温泉洞、社稷洞、巨堤洞、蓮山洞、安樂洞、盤如洞、鳴藏洞、書洞、五倫洞、釜谷洞、錦絲洞、回東洞、石坮洞、盤松洞、長箭洞、南川洞、水營洞、望美洞、廣安洞、民樂洞、栽松洞、佐洞、中洞、右洞。
  • 1963年1月1號,慶尚南道東萊郡北面、機張面一部分併入來。
  • 1975年10月1號,東萊畀咗部分(南川洞、水營洞、望美洞、廣安洞、民樂洞)同釜山鎮區部分、東區部分合併爲南區
  • 1976年4月9號,海雲臺出張所升爲市直轄。
  • 1980年4月1號,分出部分(佐洞、中洞、右洞、松亭洞、石坮洞、盤如洞、盤松洞、栽松洞)成立海雲臺區
  • 1988年1月1號,分出部分(書洞、錦絲洞、五倫洞、釜谷洞、長箭洞、回東洞、仙洞、杜邱洞、老圃洞、青龍洞、南山洞、久瑞洞、金城洞)成立金井區
  • 1995年3月1號,分出部分(蓮山洞、巨堤洞)成立蓮堤區

政區[編輯]

東萊區轄9個法定洞,合計14個行政洞。區府駐福泉洞。注意壽民、福山呢兩個法定洞下面並無分行政洞。

友好城市[編輯]

連出[編輯]