林尚義

林尚義
出世日	1934年12月14號
出世地	英屬香港
死亡日	2009年4月23號
死亡地	北角
國籍	中華人民共和國、香港
母校	香港中文大學
職業	足球員、講波、電視演員
運動	足球
隊入面位置	後衞
所屬嘅運動隊	傑志體育會、東方足球隊、香港流浪足球會、元朗足球會、傑志體育會、東方足球隊、東方足球隊、Chinese Taipei national football team
參加咗	1958年亞洲運動會、1960年夏季奧林匹克運動會
僱主	香港中文大學
[改維基數據]

林尚義（英語：Spencer Lam Sheung Yee，1934年12月14號—2009年4月23號），花名阿叔、重炮手、倉魚，係香港足球員、講波佬，幾受香港老中青球迷嘅愛戴。

阿叔屋企係小康之家，佢係么仔，有一個阿哥八個家姐。16歲加入咗香港甲組足球聯賽嘅足球隊，1948年開始效力傑志，1958年代表中華民國攞咗亞運足球金牌，1960年喺羅馬參加1960年夏季奧林匹克運動會，1972年效力流浪時攞咗聯賽同銀牌雙料冠軍。1982年攞埋國際足球協會世界教練文憑。

林尚義喺香港中文大學經濟系畢業之後，警察足球隊曾邀請佢加盟，但佢拒絕咗，重去咗教書。佢曾經喺文理書院 (香港)教體育、社會同國文。

掛靴之後，林尚義先後喺香港商業電台、亞洲電視同埋無綫電視做講波佬超過成廿年，堪稱香港足球評述界嘅宗師，佢嘅權威式球評風格實在係深入民心。

阿叔曾經喺1995年到2001年期間客串多部電影，好似《黑玫瑰義結金蘭》（1997年）、《賭聖3之無名小子》……等，其中以《古惑仔》電影系列中飾演風趣神父一角最深入民心。亦因為佢獨特嘅講嘢方式，有好多廣告商都搵佢做廣告嘅旁白，好似早排嘅可口可樂廣告：「10號仔一直帶個波衝入禁區……腳趾尾拉篩，入咗啦！入咗啦！」令到好多熱愛足球嘅人聽到都覺得好開心，好有感染力。

2005年1月初，阿叔佢既老婆係劉蕙芳因為肝硬化引致內出血死咗，終年43歲，另外，阿叔對佢大受打擊，試過想喺2005年8月中同無綫電視合約屆滿之後退休，畀翻無綫電視挽留，到咗2006年世界盃過後，同年7月10號先至完成手頭上主持工作嘅香港時間清晨5點鐘正式退休，並宣佈退出電視同電影圈。

2009年4月23號，佢喺灣仔嘅僑興大廈住所內昏迷，係響送往律敦治醫院而搶救緊病死，去到11點58分證實死亡，享年74歲，其後，阿叔嘅骨灰葬於柴灣華人永遠墳場，繼伍晃榮逝世後呢個喺第二位病逝嘅體育界人士。