林彪

出自維基百科,自由嘅百科全書
跳去: 定向搵嘢
文革時嘅林彪

林彪1907年12月5號1971年9月13號),原名林祚大,字陽春,號毓蓉。用過嘅名有育容育榮李進湖北黃岡人。係中國人民解放軍將領、中國共產黨中華人民共和國政治家[1],做過中華人民共和國國務院副總理、國防部部長、中國共產黨中央軍事委員會副主席、中國共產黨中央委員會副主席等要職。1955年被授予元帥軍銜,係當時最後生嘅。

林彪喺1966年文化大革命開始後,地位好似坐火箭咁上升,喺中國共產黨第八屆中央委員會第十一次全體會議上,升格為中共中央第一副主席,係嗰陣唯一副主席,被確定為毛澤東親密戰友,人稱「副統帥」。1969年中共九大通過嘅《中國共產黨章程》更加將林彪為毛澤東嘅接班人寫入黨章。

但喺1970年,林彪同毛澤東喺恢復中華人民共和國主席問題上爆發衝突,林彪嘅心腹陳伯達被徹底批判。林彪喺1971年初策動五七一工程紀要,密謀行刺毛澤東,不過事敗,喺1971年913號陰謀叛變事敗之後,帶埋妻兒坐一架三叉戟飛機逃亡去蘇聯,喺外蒙邊境溫都爾汗墜機身亡。呢件叫做九一三事變,仍疑點重重,中國共產黨官方與民間重未得出林彪出走嘅結論。

[編輯]

  1. 林彪,《中国大百科全书·军事卷》。