果汁

鮮榨橙汁

蘋果汁

果汁係指由新鮮生果榨汁而成嘅一種嘢飲，廣義上亦包括由蔬菜榨汁而成嘅蔬菜汁。各種唔同生果嘅果汁含有唔同嘅維他命等營養，而被視為係一種對健康有益嘅飲品，但係缺乏生果所有嘅纖維素同過高嘅糖分有時被視為佢嘅缺點。目前嘅果汁分為濃縮果汁、濃縮還原果汁同非濃縮還原果汁。其中濃縮還原果汁最為常見，係用濃縮果汁按照一定比例同水同其他配料搆勾而成，非濃縮還原果汁即鮮榨果汁，有最高嘅質量，但保存時間唔耐，而且價錢較貴。

蔬果汁係由機械嘅擠榨或壓榨出嘅新鮮生果或蔬菜肉製成嘅，唔使用高溫或溶解劑。例如，橙汁就係橙樹上嘅生果壓榨汁液。蔬果汁可以喺屋企通過使用各種手動嘅或電動嘅榨汁機壓榨新鮮生果同蔬菜製成。

好多商業果汁通常係過濾去咗纖維同果肉，但係富含果肉嘅新鮮橙汁係流行飲品。蔬果汁通常係以濃縮嘅形式銷售，有時係冷凍嘅，需要飲者加水去令液體恢復到佢「原本嘅狀態」。但係，濃縮蔬果汁嘅味道一般同佢哋新鮮壓榨出來嘅果汁有明顯唔同。

加工果汁嘅常見嘅保存方法包括：裝罐保存，加熱殺菌法，冷凍，脫水濃縮同噴霧乾燥。

不過果汁一般往往被人忽略嘅係佢通常都有較高嘅糖分含量，甚至有啲果汁嘅含糖量比一般嘅軟性飲品重要高；好似一般嘅提子汁嘅含糖量比可口可樂重要高出 50%。

營養價值

果汁整體嘅消費喺歐洲、澳洲、紐西蘭同美國喺最近幾年有所增加，可能係由於大眾對果汁當作一種營養嘅攝取來源而且能夠促進人體健康。事實上，果汁攝入量確實可以降低罹患癌症嘅風險，而且可可以防止或延後老人痴呆症嘅發生。

但係果汁同新鮮生果嘅相等營養價值有時亦備受質疑，因為大部分嘅果汁因為製造過程嘅關係而缺少纖維素。而常用於果汁雞尾酒嘅高果糖糖漿會提升二型糖尿病嘅罹患機率。過量飲用果汁亦會造成體重增加，不過適量飲用果汁仍然係可以對孩童同成人提供日常所需嘅生果、營養素同熱量嘅建議攝取量。

標籤

大多數國家規定咗對於「果汁」飲品嘅標準純度。「果汁」呢個名通常係畀百分之百純生果汁嘅飲品用嘅。

喺美國，根據果汁同生果食品（英國）規定同2003年果汁同生果食品（美國）規定，只有喺表明一個百分之百純果汁產品時，呢種產品嘅生果或多種生果嘅名後加「汁」字，先算合法嘅。但係，由於濃縮汁經復原後嘅果汁係可以被稱為果汁。生果食品-唔同種類嘅生果蛋糕必須包含最低25%到50%之間嘅果汁。如果果汁或生果食品中含有濃縮成分，就一定要講明。喺規章中並無對「蔬果汁飲料」一詞嘅規定，並且佢可以用來描述任何飲品，包括只含有一啲果汁嘅飲料。歐洲所有國家都用佢哋各自嘅語言做咗類似嘅規定。

喺美國，只有含百分百生果果汁嘅產品先可以被合法噉叫做果汁。同其他混合成分混合喺一齊嘅果汁，好似高果糖粟米糖漿，被叫做混合果汁或係果汁飲料。根據食品同藥品管理局（FDA）嘅規定，「生果飲品」一詞喺美國一般係可以被接受嘅，並且喺國際貿易中係被稀釋過嘅果汁，亦即係話呢種飲品包含生果汁或生果泥，水，有啲可能包含人工甜味劑。

特別係喺新西蘭同澳洲（重有其他國家），果汁表示嘅係一種添加過甜味劑嘅生果汁，而生果飲品就表示嘅係純嘅生果或蔬菜汁。

生果汁商標可能會誤導人，果汁公司有意嘅隱藏佢真實嘅成分。商標上通常印有「無添加糖」，但係產或者含有大量本身產生嘅糖分；然而，喺好多國家，糖分嘅含量同其他碳水化合物喺商標上係列入同一類嘅。

一啲碳酸飲品，其中雖然含有生果汁，但係並冇表明（例如激浪（Mountain Dew）中就含有橙汁）。

果汁對健康嘅影響

飲果汁係因為佢對健康有益。例如，橙汁中含有豐富嘅維他命C、葉酸同鉀，係非常多抗氧化植物化學物質來源，以及對於改善患有高血膽固醇人群嘅血脂嘅變化係有重要意義嘅。李子汁能幫助消化。越橘汁能夠預防甚至係治療膀胱感染，而家越橘有一種物質可以防止細菌黐住膀胱。

生果汁含豐富糖分，不過通常啲人無留意嘅 —— 好多生果汁所含嘅糖分係比加咗過甜味劑嘅汽水多；例如典型嘅提子汁所含嘅糖就比可口可樂多出50%。

近幾年來，喺歐洲，澳洲，新西蘭以及美國嘅生果汁飲用量已經有所增加，可能係因為大眾果汁嘅認知，認為係一種健康嘅天然嘅營養來源，重有就係大眾對健康問題更有興趣。實際上，飲果汁一直係同降低患多種癌症有關聯嘅，可能會防止中風同延緩老年性癡呆病嘅開始。

生果汁同新鮮生果對健康係有同樣益處嘅觀念已經被開始質疑，主要係因為果汁缺少纖維，而且通常佢已經被高度嘅加工過。高果糖粟米糖漿係好多混合果汁中嘅原料，佢會導致二型糖尿病嘅發病率上升。飲太多果汁亦有可能會導致體重增加，但係飲用中等量嘅果汁可以幫助兒童以及成人達到日常嘅生果建議食用量，營養以及卡路里嘅建議攝取量。