格陵蘭島

出自維基百科,自由嘅百科全書
格陵蘭島

格陵蘭島粵拼gaak3 ling4 laan4 dou2丹麥文Grønland ø)係世界第一大,有2,166,086平方公里,差唔多有一個西歐嘅總面積咁大。而呢個島喺北美洲嘅東北面,北大西洋北冰洋之間,冰島嘅西北邊。

[編輯]

喺丹麥文入面,「格陵蘭」(丹麥文Grønland)就係「綠色嘅土地」(丹麥文det grønne land)噉解,而呢個島係因為上面係丹麥管嘅自治省——格陵蘭先至改咗噉嘅名。

敘述[編輯]

格陵蘭島嘅冰雪世界
格陵蘭島附近嘅平均海拔高度

雖然丹麥文話佢係個綠土,但係呢度係一片白雪雪嘅冰雪世界,因為成個島有85%嘅地面都有好厚嘅冰面響度。而冰面嘅平均厚度有1515米,重高過而家嘅世界第一高塔——阿聯酋哈利發塔(839米),差唔多有喺中國山東入面嘅東嶽泰山(1524米)咁高。而最厚嘅冰面可以去到3410米咁厚,差唔多有中國西邊嘅青藏高原最矮海拔地區(3500米)咁高。而冰塊方面,有2,600,000km³咁大,淨係排喺南極洲嘅後面,佢係世界第二大冰庫。其中呢個島最北邊——摩利斯遮宿角,唔單止係地球最北邊嘅角,而且係地球最北邊嘅陸地,甚至重係地球入面距離北極最近嘅陸地。因為摩利斯遮宿角距離北極點都只係得707公里(同由增城去到廈門324國道嘅長度差唔多)。

極晝同極夜[編輯]

内文:極晝極夜

而呢個島係成日出現極晝同極夜嘅,因為格陵蘭島有五分之四嘅面積都喺北極圈入面。每年一到咗10月,島入面大部分地區都入咗夜晚黑,而嗰度嘅夜晚黑係連續5個月都唔見到太陽出嚟,凈係見到月光星星。雖然話喺每年嘅4月開始一直到9月為止都可以見到太陽,但係佢升得好矮,凈係喺地平線度轉下轉下。

氣候[編輯]

格陵蘭島嘅氣候方面,係好鬼凍,凍到連阿媽都唔認得咁滯。即使喺北半球比較熱嘅7月份,佢嘅平均氣溫方面,最熱嘅凈係去到8.3——9.6℃,一到咗北邊同中間嘅內陸地區就降到-10.7℃到-7.8℃喇;而1月份嘅北半球比較凍嗰時,格陵蘭島嘅平均氣溫就降到-40℃以下。嗰度一年入面都攞唔到幾多嘅熱量而搞到成個島凈係識落雪,而唔識落雨。結果由於受到壓力嘅作用關係,就慢慢噉變咗冰,最後就變成好厚嘅冰層響度。

生物[編輯]

喺格陵蘭島附近地區生活嘅鯨魚

雖然話格陵蘭係一片冰雪世界,但唔係乜都冇。因為到咗夏天嗰陣,海邊地區成日都見到綠色響度。島入面重見到馴鹿北極熊北極狐海豹企鵝呢啲嘢響度,而近海地區重見到鯨魚鱷魚沙甸魚等。

居住人種[編輯]

呢個島入面住咗50000個居民,大部分都係啲愛斯基摩人混血人種,不過佢哋都住喺比較暖嘅西南海邊地區(例如努克)。不過島入面啲居民養咗50000幾條響度,不過啲居民都係帶住佢去打獵同騎住佢嘅雪趫嚟睇啲靚雪景。

相關書籍[編輯]

  • 《世界第一大岛——格陵兰岛》 中国少年儿童百科全书 自然·环境 第225页 浙江教育出版社 ISBN·7-5338-1946-2/G·1942
  • Скотт Дж. Ледниковый щит и люди на нём.

出面網頁[編輯]

  • Гренландия. "БСЭ".
  • ГРЕНЛАНДИЯ. "Кругосвет".
  • 全国文化信息资源共享工程网. 界第一大岛--格陵兰岛.