梁詠琪

出自維基百科,自由嘅百科全書
跳去: 定向搵嘢
梁詠琪

梁詠琪粵讀loeng4 wing6 kei4Gigi Leung1976年3月25號[1][2][3])係香港歌手演員。佢1995年靠拍電影娛樂圈,1996年進而唱廣東流行曲成為流行歌手,之後亦有唱國語歌

背景[編輯]

梁詠琪響香港贊育醫院出世。初時叫梁碧姿,到咗7歲佢有哮喘,所以為咗健康啲改名做梁詠琪。佢小學同中學都響瑪利諾修院學校畢業,讀完中五之後響香港理工大學設計學院讀文憑

屋企[編輯]

  • 孖生細佬梁詠俊
  • 老公Sergio(2011年—)

入行[編輯]

梁詠琪身材高,有高妹嘅花名。佢讀理工期間,做過模特兒。其中時間廊海報造形引起導演李志毅注意,之後1995年李志毅搵佢參演《流氓醫生》。呢套戲嘅成功畀到佢另一個機會,就係《烈火戰車》裏面擔正。因為咁,響1995年香港電影金像獎獲提名最佳新人獎。

事業[編輯]

1996年佢開始埋歌唱生涯,推出第一隻碟《愛自己》。開頭佢發展幾順利。唔單止自己唱,亦都有寫歌畀人唱。佢入行拍咗廿幾部戲,同過好多演員做過對手戲,好似劉德華梁朝偉咁。

1999年佢同啱啱同女朋友邵美琪分手嘅鄭伊健拍拖,之後同居,係多年嘅娛樂新聞話題,亦影響佢嘅歡迎度。同年亦響《心動》做主角,響香港電影金像獎提名最佳女主角。同年佢開始做日本美容產品FANCL代言人,令佢走出低谷。2000年,另一套片《愛與誠》又得到提名最佳女配角。2003年,華納公司第一套唐話電影《向左走、向右走》亦搵咗梁詠琪做女主角。

參考[編輯]

  1. 梁詠琪國際歌迷會資料
  2. 東方日報 C12 娛樂 《GiGi生日做天下一姐》2008-03-26
  3. 關於梁詠琪嘅出世年份嘅爭議,有1972年、1976年等講法,1976年係官方講法,1972年係民間講法。關於1972年嘅講法《東方新地》2006-12-20 第90頁嘅「八姨太手記」曾經發表《梁詠琪 自爆自己今年34歲》,指出梁詠琪曾經話自己係1972年出世,但係呢件事冇梁詠琪本人證實。

出面網頁[編輯]