森美
出自維基百科，自由嘅百科全書
 |
呢篇文冇引出處或寫低根據。 唔該加返可靠嘅來源，幫手改改呢篇文（教我點做） 冇根據或冇出處嘅嘢可能隨時受到質疑；經唔起質疑就會畀人剷走。 |
森美（1973年12月3號—），原名梁志健，係香港商業電台DJ，主持電台節目。
[編輯] 底細、履歷
森美喺葵涌葵盛邨大，讀過聖士提反書院（赤柱）、喇沙書院同埋香港中文大學；1994年參加商業電台「叱吒殺6新大陸」（DJ選舉比賽）而入行，主持週日節目《恐怖份子》、《志健美先生》，若干年後同小儀主持另一個節目《森美變態樂園》，之後二人一直都合作主持節目，好似《森美小儀 dot dot dot》、《森美托小儀所》、《森美小儀山寨王》、《架勢堂》等，其中一節目名為《笑談廣東話》更大受歡迎。2003年開始獨立擔當節目主持，有《森美移動》。佢係2001年商業電台「18-24歲最受歡迎DJ」。現時主持嘅節目有《早霸王》（同小儀共同主持）同埋《森美移動》（同詹志民、細So及陳強一齊主持）。
森美亦曾經喺有線電視同吳君如主持《先睇星期四》、《再睇星期五》節目，2005年12月播映最後一集。2006年擔任國際華裔小姐競選司儀，2006年3月至9月期間同電台拍檔小儀主持無綫電視綜藝節目《15/16》。同年獲電視廣播有限公司頒發「最受歡迎主持人」。2007年同楊千嬅主持《殘酷一叮》第二代，2008年同小儀主持若干集《亮相》。2009年同小儀一齊主持TVB 節目《千奇百趣》，介紹日本各地嘅珍奇事。
森美同時亦係金牌大風旗下藝員，主演電影包括《甜絲絲》、《我要做Model》、《雀聖2—自摸天后》，客串《新紮師妹》、《新紮師妹2》、《新紮師妹3》、《醒師》、《狼牙》。早年更加擔當《4x100 水着份子》男主角。
因為同叻哥同月同日，森美喺35歲生日晌《架勢堂》入面話自己要年年25歲，森美重自稱係叻哥接班人。但小儀就認為森美係大傻哥接班人。
[編輯] 婚姻狀況
結咗婚，有一個仔同一個女。 [未記出處或冇根據]
[編輯] 出面網頁
|
|||||
