楊國忠（—756年6月15號），係唐玄宗天寶時期嘅重臣，蒲州永樂（今山西芮城）人。
楊國忠原名楊釗，早年喺鄉下做流氓，成村人都鄙視佢。無耐加入軍隊打仗，獲得唐玄宗重用，賜名做「國忠」。752年出任宰相，同時間重身兼四十幾個官職。執政期間，佢兩次派兵打南詔，第一次輸咗六萬人，第二次打輸咗十幾萬人。
楊國忠做宰相嗰陣同安祿山不和，安祿山重因此發動安史之亂。楊國忠跟隨唐玄宗逃去四川；點知就喺呢個時候發生兵變，士兵要求唐玄宗處死楊國忠。結果楊國忠就畀班士兵殺死咗。
