楊埕

楊埕（Sarbina Yeung Ching，1993年 3月13號—）係香港女藝人，曾經係框格音樂公司同無綫電視旗下藝人。2020年3月離開無綫電視。

簡歷[編輯]

楊埕細個學咗打鼓五年，鍾意唱歌同扮演角色。佢中學讀過一間有宿舍嘅三育中學，之後轉校到香港兆基創意書院學設計、影視製作同表演藝術，曾經代表過學校參加校際話劇比賽，係香港大學讀美國安得烈大學，主修心理學同營養學。讀書時期，佢學過打鼓攞到五級，學過花式溜冰，亦考到潛水牌。

楊埕重讀緊書嗰陣，19歲（2012年）就已經簽約框格唱片公司。佢2014年參選香港小姐時，參選號碼係10號，嗰時傳媒叫佢做「清純栢芝」，但途中佢以私人理由退選，懷疑係音樂公司高層干預^[1]。而大會隨即安排咗另一位參賽者洪寧怡作為填補佢退選嘅空缺。

2015年，佢參選國際小姐香港選區，攞到冠軍做咗香港代表，同年10月去日本東京參選國際小姐決賽。

2016年，楊埕去北京中央戲劇學院讀表演系，同年拍攝電影《五月》做女主角，2017年4月加入無綫電視做部頭合約女藝員，拍咗《再創世紀》、《十二傳說》、《兄弟》等劇集。去到2020年3月就離開無綫電視，結束咗三年嘅賓主關係。