槓桿

槓桿原理話畀我哋聽，點樣先去可以做到靜態平衡。如果F₁D₁ = F₂D₂，就係平衡狀態

槓桿（Lever）係種架生，係種基本嘅機械。據牛頓力學力距原理，如果攞件剛體，響入面揀一支點搵件硬物撐住，再揀一力點加力，咁喺第啲重點度就有倍數嘅力。好多架生都係槓桿，例如鐵筆、秤、筷子。睇槓桿三點分佈，槓桿有慳力又有唔慳嘅。

[編輯] 分類

跟重點、支點同力點嘅排列，槓桿可以分做三隻，叫第一類、第二類同第三類槓桿，

第一類槓桿支點響力點同重點之間。一般都係一枝棍，響一邊力點加力，咁支棍就會響支點上面轉，令到另一面重點郁

第二類槓桿嘅重點響力點同支點之間。夾、扇門、釘書機就係第二類桿嘅例。

第三類槓桿嘅力點響重點同支點之間。呢類槓桿慳唔到力。用佢來整架生，好多時係為咗方便。例如人手、起釘機、筷子、手㬹關節、下巴。