機場南站

出自維基百科,自由嘅百科全書
跳去: 定向搵嘢
機場南
Airport South
Airport South Station WORD.jpg
機場南站嘅站名
車站概覽
車站位置 花都區白雲國際機場嘅1號航站樓大廳入面
坐標 23°23′11.65″N 113°18′10.87″E / 23.3865694°N 113.3030194°E / 23.3865694; 113.3030194Coordinates: 23°23′11.65″N 113°18′10.87″E / 23.3865694°N 113.3030194°E / 23.3865694; 113.3030194
車站色     
經過路線 3
啟用日期 3號綫:2010年10月30號
月台 2
出入口數 2
營運資訊
車站服務時間 06:10-23:00
列車服務時間 06:05-23:37
廣州地鐵3號綫
體育西路站人和站 | 終點► 去機場南站

機場南站粵讀gei1 coeng4 naam4 zaam6英文Airport South Station),早期規劃時期嗌過新國際機場站粵讀san1 gwok3 zai1 gei1 coeng4 zaam6Baiyun International Airport Station)嘅名;佢係廣州地鐵3號綫嘅車站,喺花都區白雲國際機場嘅1號航站樓大廳入面。呢個地鐵站係家陣中國內地距離航站樓出發大廳最近嘅地鐵站;重係從2010年10月30號開放到依家為止,廣州最北邊嘅車站;又係廣州地鐵3號綫嘅北邊總站。由於地鐵方面預測到好多人去白雲機場嗰邊坐飛機,甚至重帶咗好多行李過嚟,所以呢個站係廣州地鐵入面,唯一一個有闊閘機嘅車站。

車站嘅結構[編輯]

樓層[編輯]

呢個站一共有2層樓嘅地下區域。其中地面係站廳,地下一樓係3號綫嘅月台。同大多數嘅3號綫車站一樣,雖然話冇廁所響度,但係站廳嘅免費區入面有休息室出嚟,佢重係3號綫入面,唯一一個有休息室嘅車站。由於呢個站係用咗側式月台嘅設計。如估乘客揀錯咗月臺去坐車嘅話要返上去一層樓再重新揀過。

垂直結構[編輯]

地面
大堂
站廳 站廳、售票機、客服中心,廣州白雲機場航站樓
地下
1樓
側式月台,開右邊門
月台 3號綫 終點月臺
月台 3號綫 列車往人和站體育西路方向)
側式月台,開右邊門

平行結構[編輯]

機場南站嘅樓層全景分佈

站廳(北邊嗰個,喺2014年11月6號影。)
月台(終點嗰個,喺2014年11月6號影。)

站廳[編輯]

呢個站嘅站廳喺廣州白雲國際機場嘅1號航站樓出發廳嘅地下1樓,喺2000年起緊白雲國際機場(花都嗰間)嗰陣就事先留低咗起地鐵站嘅位出嚟。而收費區喺站廳嘅南北兩邊,中間係機場嘅人行通道,而站廳嘅收費區有好多座扶手電梯、專用𨋢同樓梯同月台接埋一齊。

月台[編輯]

呢個站有兩個側式月台,喺廣州白雲國際機場嘅1號航站樓地底。

機場南站嘅北站廳
機場南站嘅西站台
柱上啲字

商舖同自助服務[編輯]

由於呢個站唔係廣州市區嘅車站,所以喺車站入面搵唔到半間車站嘅商舖響度。因為佢哋都喺嗮站廳免費區嘅機場大樓入面。但係車站入面有好多自助服務設施畀乘客用,包括咗自動櫃員機、自動販賣機、自動影相機等;重有可以充羊城通,可以交水電費同交通罰錢嘅嘢。

自助服務
機場南站嘅兩個出入口

出入口[編輯]

呢個站凈係得2個出入口,但佢哋都係直接整喺廣州白雲國際機場嘅一號航站樓大廳嘅地底,所以唔似其它普通車站噉整個單獨通道嘅出入口,而係乘客通過扶梯同𨋢嚟出站,不過出咗閘之後就可以直接到達航站樓嘅地面1樓嚟接駁航空同埋地鐵[1]。而呢兩個出口都係面對面噉喺機場航站樓嘅中間度。

頭尾班車信息同配線圖[編輯]

配線圖


3號綫
▲終點

ENDEa ENDEa
ABZrg ABZlg
STRf STRg
STR+BSr STR+BSl
STR+BSr STR+BSl
STRf STRg



人和站

行去邊頭 頭班車 尾班車
每日
3號綫
體育西路站 06:10 23:00
注意:
喺晚黑最後一班車開走之前嗰5分鐘之內,
係唔畀入閘坐車(包括埋買車飛)。

車站嘅歷史[編輯]

規劃嗰陣[編輯]

喺1997年嘅《廣州市城市快速軌道交通線網規劃研究(最終報告)》入面就確定咗喺廣州白雲國際機場(2004年起嘅呢間)嗰邊整咗個站係2號綫嘅終點站,嗰時係嗌「新國際機場站」嘅名。後嚟喺2000年嘅近期線網規劃調整方案入面將2號綫縮短到嘉禾而另外規劃咗一條新嘅機場快綫去到呢度。由於新機場起咗兩個航站樓,就整咗兩個機場嘅站出嚟,而呢個站就順便改咗名嗌「機場南站」(重有一個機場嘅站係機場北站)。而2003年嘅規劃方案入面,機場快綫改成係3號綫嘅一部份。

施工同埋開通[編輯]

機場南站開工嗰陣,係同埋一號航站樓一齊起嘅,之後等埋廣州地鐵方面起好車站南邊嘅區間等呢啲工程建設之後喺2010年11月30號嘅晏晝一齊開通。

開通咗之後[編輯]

喺2010年11月30號開通到2011年10月31號為止,機場南站係機場嘅特殊收費段,結果搞到喺呢兩站(機場南站同埋機場北站)出站同埋入站嘅乘客就要喺行程收費嘅票價基礎上加收咗5蚊雞嘅機場特別費。而地鐵所謂收嘅「特別費」喺2011年10月31號取消咗,主要係物價局考慮到市民嘅出行經濟[2]

利用狀況[編輯]

由於廣州地鐵3號線唔係白雲國際機場嘅唯一交通工具,而機場出面重有好多嘅地面公共交通服務。由於機場嘅設計原因,所以來往機場出發同埋到達都唔係好方便。重有地鐵3號線凈係普通嘅地鐵線路,所以重有好多嘅乘客繼續坐機場快線同埋其它嘅地面交通去到市區,而呢個站客流麻麻地。後嚟喺2011年10月31號取消咗機場特別費之後,客流先至稍微有上升嘅趨勢。

周邊[編輯]

喺機場嘅出站大廳跟住入去地鐵站嘅話,係同地鐵1號綫6號綫差唔多,大概凈係要3~5分鐘,而乘客一出咗站之後坐一層樓嘅𨋢就可以去到機場入面嘅商業圈。嗰度有好多檔次嘅餐飲檔、衫褲檔,重有萬寧、細嘅電影院、書吧、化妝舖、䤵髮舖同茶苑等呢啲休息娛樂嘅場所。

文化牆[編輯]

2014年4月10號,廣州地鐵入面嘅6個車站會再繼續添加「文化牆」嘅裝飾,當中就包括咗呢個站。而呢個站添加文化牆嘅理由係:呢個車站係廣州入面,最重要嘅門戶同埋交通樞紐嘅車站,重要係畀嗮全體人對廣州入面嘅第一印象。

[編輯]

上一站·下一站[編輯]

上一站⇚⇚    廣州地鐵    ⇛⇛下一站
人和站
體育西路站
機場南站
3號綫
終點
提示:3號綫機場北站喺2018年開通