櫻蘭高校男公關部

出自維基百科,自由嘅百科全書

櫻蘭高校男公關部(日本名桜蘭高校ホスト部)係日本一輯少女漫畫。呢本漫畫日本賣成300萬本,家下重有動畫㖭。

故仔[編輯]

故仔背景係講超級貴族學校櫻蘭高校,有六個靚仔。呢幾個靚仔,優雅、又有錢,又得閒,咁就開咗個為咗令女人開心做宗旨嘅男公關社。六位公子各有唔同,有白馬王子型嘅須王環、冷酷型嘅鳳鏡夜、正太型嘅埴埴、粗獷型嘅銛、重有惡魔型嘅雙胞胎光同埋馨。

故仔開頭係話,全校至窮,但係讀書好叻,成日拎獎學金嘅藤岡治斐,為咗搵個安靜嘅地方溫書而唔小心走咗入第三個音樂室–公關部,重打爛咗成八百萬日圓嘅花樽。原本治斐係個女仔,但係因為冇錢買校服而衣着隨便,所以俾人誤會係男仔,為咗要賠花樽錢,就迫住做男公關部嘅人,但係因為個樣似男仔,吸引咗唔少女仔,所以之後成為第七位男公關,去招攬客人還債。