欽州

欽州（壯語：Ginhcouh Si），喺中國廣西，家下係地級市，叫欽州市。大清時係個直隸州，叫欽州直隸州。民國時廢府，設欽縣。

地理

山

欽州北有銅魚山。東南有烏雷嶺，佢便下叫烏雷港。

水

欽州南濱海。海中有牙山、龍門諸島。

東邊欽江，由靈山入，向西南到州治南，分為二，向西南匯為貓尾海，屈東南，過龍門入海。北便那蒙江，源出靈山高塘嶺，西南流，右合長潭水，到三門灘，大寺江由西便注入，又向南叫漁洪江，又向東南行合埋欽江。另外篆嶺江亦出自靈山，西南到平銀渡叫平銀江，屈東南同丹竹江合，南流叫大觀港，入海。又有那陳江出西北心嶺，東北到那陳墟叫那陳江，又東北復入宣化叫八尺江。

史

大明時欽州屬廉州府。

大清光緒十四年，欽州升為直隸州，叫欽州直隸州，拆廉州府嘅靈山縣林墟司畀佢，又拆廉州防城、如昔二司做防城縣畀佢。欽州直隸州歸廉欽道，領縣一。欽州亦係廉欽道治所。有沿海、林墟、長墩三巡司。另有那陳司廢咗。