比卡超

出自維基百科，自由嘅百科全書

比卡超(日文ピカチュウ；英文Pikachu)係田尻智創造嘅日本電視遊戲寵物小精靈系列入面嘅標誌小精靈。身體大部份係黃色帶啡色紋條，臉珠為紅色，貌似老鼠加有一條似閃電嘅尾巴。係咁多寵物小精靈作品中，佢多數都係主角之一，所以幾受觀眾尤其小朋友同女性喜愛。

寵物小精靈全國圖鑑編號025嘅電擊系寵物小精靈。進化形係雷超。身高係1尺4吋，體重係13磅。有好多隻聚集埋一齊嗰陣會積聚形成雷電。電極會儲存係佢嘅臉頰，佢哋受到外來刺擊會一刹間發出電擊，力量等同天然閃電。嗢到新事物嗰陣會向佢放電，燒成黑色。同樣對著作為糧食嘅果實都會有一樣反應。

[編輯] 電視遊戲

佢哋大多棲息喺森林及原野，但係好難搵，寵物小精靈黃版就例外。係咁多隻遊戲入面，佢最多出現喺常磐森林同發電廠。寵物小精靈黃版嘅主角直情係佢，唯一肯定唔使捉佢嘅game。佢唔會出現喺第二代遊戲。而寵物小精靈紅寶石／籃寶石／綠寶石版，你只會喺Safari Zone搵到佢。喺最新嘅寵物小精靈鑽石/珍珠版佢會喺Trophy Garden。

[編輯] 動畫

係卡通喥，佢係大木博士畀主角小智嘅第一隻小精靈。初時好唔聽話，完全唔服從小智嘅命令。可能係小智唯一一隻唔放走同集集都有佢份嘅寵物小精靈。