民歌

出自維基百科,自由嘅百科全書
Eivør Pálsdóttir(丹麥嘅民歌現場)

民歌man4 go1folk song)係指民間音樂當中嘅(有人聲負責唱嘅音樂)。一般嚟講,歐美地區嘅民歌用木結他口琴小提琴等嘅原聲樂器比較多,好少可用電聲嘅樂器,而且喺音樂性嚟講,會比較輕;民歌通常好重視歌詞,有啲歌詞可以當作詩歌嚟睇,用口語化嘅語言寫嘅都有。

民歌喺1960年代喺啲英文地區得到好大嘅發展,亦都喺成個西方文化史入邊扮演咗無可代替嘅地位。有代表性嘅人物有Woody GuthrieBob Dylan皮特西格Joan Baez約翰丹佛西蒙和加芬克爾彼得、保羅與瑪莉,佢哋喺1960年代上下作啲,有好多成為咗經典,到而家啲人都冇忘記到,比如話Blowin' in the Wind寂靜之聲斯卡布羅集市Vincent等等。

1970年代台灣興起民歌運動風潮,產生咗唔少用中文寫嘅民歌,而喺中國大陸,就到咗1990年代亦都有過民歌嘅風潮,佢哋稱之為民歌校園民歌。民歌風潮對中文樂界都有唔細嘅影響。

香港亦有本土嘅民歌風格歌手有許冠傑區瑞強等,亦有好多翻唱英文民歌嘅歌手。