水務署

水務署，英字Water Supplies Department，係香港嘅供水部門，隸香港環境運輸及工務局。

用水供應[編輯]

香港用水兩種，淡水同鹹水。淡水主要食用、灌溉；而鹹水沖廁之用。供應淡水、鹹水嘅系統，各自獨立。水離濾水廠或由海中抽取後，由抽水機或水向低流原理，送到各個配水庫，再供應畀附近地區。

供水系統[編輯]

水務署負責興建同管理香港嘅各項水務設施，其中包括引水道、引水隧道、水塘、濾水廠、抽水站、配水庫、水管同水喉等，供水到各戶。

淡水供應[編輯]

在開埠初期，香港市民食水來源主要係來自附近嘅山澗溪流或自行開鑿嘅地下水井。隨著城市發展，人口急劇膨脹，這些原始嘅供水方法開始不勝負荷，而且井水亦易受污染，引致痢疾，開拓水源遂成為當時香港政府急需解決嘅問題。

香港少長期天然水源，就起水塘儲雨水，以求供淡水穩定。從十九世紀末到二十世紀末，香港都靠水塘供水。一八六三年，薄扶林水塘竣工。之後起咗水塘十七個，呢個無包私人水塘。重光後嘅幾十年，人口急增，經濟充沛，新起水塘，規模龐大。當中出名有船灣淡水湖同埋萬宜水庫，圍海而成。

雖然唔停起水塘，供水量都唔及工住所需。一九六三年六月到一九六四年，香港天旱，每四日供水四個鐘。因此同時起船灣淡水湖同石壁水塘。而香港政府，亦同廣東省傾買食水。一九六零年到一九八九年之間，香港政府同廣東當局，簽咗五份供水協議。自此，香港食水主要靠廣東省東江水。

因為中華人民共和國一九六六年起文化大革命，搞差同英國關係。香港政府唔敢太依賴中國供水，所以亦另用海水化淡取得淡水。香港第一個海水化淡廠，樂安排海水化淡廠，一九七五年落成。但廠皮費貴，而東江供水穩定，一九八二年，海水化淡廠停廠，一九九二年爆破拆卸。

由於人口增長較預期少、香港工業北移及香港人近年來開始節約用水，近年來東江供水有過量之嫌。基於合約規定，現時香港每年必須購買最少約8億立方米東江水，耗公帑逾24億元。但因為香港水塘因氣候轉變而變得水頭充足，出現水塘滿溢嘅情況，在1998年至2003年期間已把約值30億港元嘅東江水排入大海。2005年香港各水塘總存水量為5.54億立方米，佔總容量94.64%。而於同年，因水塘滿溢而要排出大海嘅淡水達1.09億立方米，如以當時東江水價計算，即逾3億元。政府當時表示希望能夠跟粵方達成新嘅供水協議，考慮彈性供水嘅安排。

水務署也設有實驗室，定期從水塘、濾水廠及客戶水龍頭抽取樣本，進行多項化驗，以檢查及控制供水水質，維持食水嘅衛生水平。