水松

  呢篇文講杉科水松屬嘅植物。想搵百合科天門冬屬嘅同名植物嘅話，請睇繡球竹。

  提示：呢篇文講嘅唔係水松木。

How to read a taxobox 水松
瀕危指標
極危 (CR)
物種分類
界 植物界 Plantae 門(Divisio): 松柏門 Pinophyta 綱 松柏綱 Pinopsida 目 松柏目 Pinales 科 杉科 Cupressaceae 屬 水松屬 Glyptostrobus Endl. 種 水松 Glyptostrobus pensilis
二元學名
Glyptostrobus pensilis (Staunton ex D.Don) K.Koch, 1873

水松（粵拼：seoi2 cung4；學名：Glyptostrobus pensilis），又嗌三角葉（saam1 gok3 jip6），係杉科水松屬嘅落葉喬木。喺中國內地、越南同埋老撾係保護咗嘅樹種，因為佢喺IUCN嘅紅名單入面，話係極危物種。呢樖嘢喺植物界嚟講，算係「活化石」嘅品種。

分佈

呢樖嘢喺廣東珠江三角洲同福建中部、閩江下游同埋海拔低過1000米嘅地區先至見到佢。喺廣東嘅東邊同西邊、福建嘅西北邊同北邊、四川嘅東南邊、廣西同雲南嘅東南邊都重可以見到小小，重有一小部分喺越南同老撾入面。因為水松喺地球嘅白堊紀到新生代期間，北半球入面出現得比較多，但係到咗第四紀冰河時期後期就率先喺歐洲、美洲、日本同其它地方都滅絕嗮，而家就得返嚿化石響度，但係喺珠江三角洲、福建中部同閩江下游地區就保存得比較好。

樣

呢樖嘢嘅樹幹有扭曲嘅斑紋。喺地基嗰度大到好似條柱槽噉，重有屈住膝頭箇噉嘅呼吸根出咗嚟地面。而樹枝方面就比較少，甚至好疏吓。樹葉方面就有線形、針形同埋鱗片形呢三種。樹木一般喺八到十米到高，最高可以去到廿五米。

用途

植株可以做公園嘅水體綠化植物，有好好嘅淨化水體作用。

藥用

水松嘅樹皮同葉可以用嚟做藥，佢可以去瘡、趕走因水或火搞出嘅瘌嚫，同埋成身骨痛嘅功效。

相

水松嘅樹幹 水松嘅樹幹  水松嘅果 水松嘅果  水松嘅葉同樹枝 水松嘅葉同樹枝

出面網頁

• 水松 Shuisong 藥用植物圖像數據庫 (香港浸會大學中醫藥學院) （繁體中文）（英文）
• 水松