江湖

出自維基百科,自由嘅百科全書
跳去: 定向搵嘢

江湖係一種中國民間社會,多數講係遠離官方嘅民間組織勢力,有自己一套規矩,有時甚至漠視法律。江湖有說起源自周圍去賣藝賣武技人,成日經水路來往各個。因為到處維生,唔容易俾官府管,後尾產生武俠武林黑社會嘅意思。古代中國雖然係中央集權制,但係地方治安好多時都係靠民間組織自保,所以有江湖發展嘅空間。

廣義嘅解釋[編輯]

江湖有好多意思。因為有武俠小說嘅流行,唔少人會覺得,以前嘅江湖一定係關於武林,有好多武林高手不斷以命相搏想成為天下第一,而今日嘅江湖就一定係同黑幫有關,幫會之間互相鬥爭廝殺要成為最高霸主,總之就係充滿腥嘅地方;但原來江湖唔一定係以上呢兩種,唔一定有血腥,可以咁講:喺同一個領域裏面活動嘅人,不論國界,不分膚色,總之佢哋之間係存在競爭,唔理係生存抑或名利之爭,良性定係惡性之爭,都可以稱嗰個領域為一個江湖

概念[編輯]

江湖照字面睇係「江川」同「湖泊」嘅合稱,裏面匯合咗來自唔同地方嘅,當水入咗之後,不論流向、遭遇都冇人會知道;有可能被人挑咗去種田,有可能俾動物飲,俾植物吸收咗,又可能會被蒸發變成水蒸氣消失喺中……。

將呢個概念引申出嚟,將江湖比喻為一個群體小社會,而擁有相同或類似目標嘅人就好似中嘅好多好多滴,不斷喺個小社會裏面打滾,為喺呢個空間生存而迎接一切嘅挑戰,冇人會知道當自己入咗江湖之後會遇到咩遭遇,亦唔知有咩後果,會闖出名堂?定係寂寂無聞而無聲引退……?

所以一路以嚟都有好多唔同嘅句子詞語同江湖有關,好似:

  • 名震江湖」:即係喺一個領域裏面打出名堂,個大名全天下人都聽過;
  • 江湖路險」:即係話個領域危機四伏,要力爭上游係會遇到好多危險;
  • 血染江湖」:即係喺個領域裏面中咗招;
  • 江湖不歸路」、「人在江湖,身不由己」:有好多領域唔係話可以話唔玩就唔玩,入咗去就冇得返轉頭;又或者有時有啲嘢係好想做,或者好想退出,但係身邊嘅嘢令到自己唔可以話想點就點,冇選擇餘地。

……等等。

相關嘅書刊同媒體產品[編輯]

香港有一套名為江湖電影,係講關於香港黑社會嘅故事;由香港藝人劉德華同埋張學友主演。

至於香港嘅著名武俠小說金庸(原名查良鏞,人稱查大俠),其中亦有一部作品叫做【笑傲江湖】。要解釋呢個書名嘅意思,其實即係「輕鬆寫意咁喺武俠嘅領域裏面生存」;當然如果話真係想「笑傲江湖」,咁必須要有一身嘅真本事先得啦。