汽油彈

出自維基百科,自由嘅百科全書
汽油彈

汽油彈係種武器,基本上係個裝咗電油玻璃,用之前點,再用手掟出,掟中嘅嘢會起火。

[編輯]

汽油彈係由芬蘭冬季戰爭嗰陣首先製造,叫莫洛托夫雞尾酒Molotov cocktail)。佢個名嚟自蘇聯嘅外交人民委員(外交部長)維亞切斯拉夫·米哈伊洛維奇·莫洛托夫

因為喺打仗嗰陣,蘇聯轟炸機曾經用燃燒彈轟炸芬蘭嘅城市同平民目標,濫殺無辜平民,受到世界各國嘅強烈譴責。面對國際社會嘅指責嗰時,蘇聯外長莫洛托夫辯詞漏洞百出,甚至話蘇聯飛機冇向芬蘭人民掟炸彈,而係去咗貧民區為貧苦嘅芬蘭人民空投麵包。呢個可笑嘅大話俾當時喺轟炸現場嘅外國使團同新聞記者揭露,芬蘭軍民就將蘇聯投下嘅燃燒彈改咗個花名,叫「莫洛托夫嘅麵包籃」。由於呢款燃燒瓶多數用酒樽做容器,打後啲人就將佢哋準備嘅呢種小型燃燒彈改咗個花名做「回敬莫洛托夫嘅雞尾酒」,以回敬蘇聯投下嘅「麵包籃」。芬蘭軍方喺之後持續嘅戰事入邊大量生產燃燒樽,應對蘇聯坦克大軍,並且用手或投石器嚟掟出去。

莫洛托夫雞尾酒叫做「雞尾酒」嘅原因係因為汽油彈入邊能夠混合唔同物料嚟應對唔同狀況,同雞尾酒混合各式酒品嘅原理相同。

睇埋[編輯]