沙基慘案

出自維基百科,自由嘅百科全書
沙基慘案
係一個massacre 喺Wikidata改呢個
屬於省港大罷工 喺Wikidata改呢個
發生喺中華人民共和國 喺Wikidata改呢個
位處政區廣州 喺Wikidata改呢個
日期1925年6月23號 喺Wikidata改呢個
受傷嘅人數170 喺Wikidata改呢個
死咗嘅人數61 喺Wikidata改呢個
共享類 維基同享中有關Shakee Massacre嘅同享資源
沙基慘案嘅位置
沙基慘案嘅紀念碑,上面寫住「毋忘此日」四個大字。

沙基慘案粵拼saa1 gei1 caam2 on3)係1925年6月23號發生嘅一單英國軍隊鎮壓廣州嘅遊行示威隊、最後多人死傷嘅大慘案。呢單嘢重可以嗌六二三慘案luk6 ji6 saam1 caam2 on3

導火線[編輯]

1925年5月30號,上海工人遊行示威,而畀英國、日本鎮壓,即係五卅慘案。之後,中共廣東區委同中華全國總工會派咗5個人(鄧中夏、楊殷、蘇兆征、林偉民、李啟漢)來香港、廣州沙面租界兩邊嘅工會,撩起啲工人搞省港大罷工。結果1925年6月19號,香港啲海員、電車、印刷行嘅工仔率先罷工,跟住其他行嘅工仔有樣學樣,結果罷工人數去到25萬人咁多。啲工人話支持上海工商學聯合會對五卅慘案提嘅17項條件,同時針對英屬香港歧視唐人提咗六項要求:政治自由、法律平等、普遍選舉、勞動立法、減少屋租、居住自由。之後蘇兆征幾個人帶住10萬工人返廣州。之後廣州嘅英、美、日嘅洋行工人同沙面嘅工人一齊罷工示威。

經過[編輯]

蔣中正寫嘅「沙基血迹 黄埔淚潮」呢8個大字

1925年6月21號,爲咗撐上海罷工,省港兩地都齊齊大罷工,當時有好多香港工仔返廣州。6月23號,10萬幾人嘅工仔、商人、學生、黃埔軍校學生聚集喺東較場開大會,要求打倒帝國主義、廢除不平等條約,之後遊行。晏晝3點,啲人遊行到同沙面隔條涌嘅沙基西橋口時,租界嘅軍隊就對住啲人開槍。有學生話係法國軍佬開槍先嘅[1];重有人話沙面嘅維多利酒店(而家嘅勝利賓館)度有鬼佬揸槍掃射。沙面嘅英法駐軍一聽到聲,就跟住大規模開槍。同時白鵝潭(而家白天鵝賓館位置)嘅英國軍艦對住沙基開炮。因爲啲人無防衞,所以當場死咗50幾人,170人重傷,多人輕傷。1925年10月3號喺沙基行國葬時,就話最後死咗61人,包括:一個13歲細路、4個學生、1個老師、9個商人、6個工人、7個黃埔軍校嘅師生、重有2個俄羅斯人。而廣州私立嶺南大學嘅學運領袖——曹耀都唔好彩中咗幾槍。

後續[編輯]

内文:六二三路

慘案發生後,廣東國民政府即刻攞胡漢民嘅名去英法兩國嘅駐廣州領事館抗議,6月26號又再抗議,要求派大員向國民政府謝罪、懲辦涉事軍官、軍艦撤離、收返沙面、索賠,不過英法兩國都拒絕咗。29號,廣州各團體要求抵制英國、經濟絕交,當日香港25萬人罷工,其中有13萬人離港返廣州。7月11號,廣州市民公祭死者。遞年,沙基開咗條馬路,起名爲「六月二三路」,後來改名爲「六二三路」來紀念沙基慘案。

紀念碑[編輯]

喺1926年整好條馬路之後,廣東政府就喺而家人民橋東邊無幾遠嘅珠江邊棟咗個石碑,上面寫住「毋忘此日」嘅大字。後來城市發展,1950年到沙面東橋度,改名爲「沙基慘案烈士紀念碑」,上面寫住「一九二五年六月廿三日沙基反对帝国主义斗争中牺牲的烈士们永垂不朽!」(粵語翻譯係「1925年6月23號發生嘅沙基反對帝國主義嘅鬥爭入面死咗嘅烈士,永垂不朽。」)。之後畀人拆咗重新起過,1963年列為文物保護單位。1967年起人民橋嗰陣又拆咗塊碑,喺橋嘅東北邊起新碑。1999年,因爲廣州起內環路,又拆咗塊碑。

而家見到嘅紀念碑係2001年10月18號整好嘅,係按1926年時嘅樣來整[2]。個紀念碑按原先設計圖紙,用花崗岩整過,大概3米幾高。正面寫住「毋忘此日」大字,下面用豎排寫住「中華民國十四年六月廿三日」。碑座度寫嘅係「中華民國十五年六月廿三日廣州市政府立」。紀念碑後面係0.5平方米左右嘅正方形花崗岩,上面有重修碑記。

2013年7月22號,塊紀念碑畀幾個後生仔用黑色油性筆亂畫啲嘢上去[3]

[編輯]

  1. 華僑日報》,民14年(1926年)6月25號
  2. 廣州沙基慘案紀念碑小了?新立的碑引來爭議
  3. 蟻暢 (2013-07-22). . 廣州日報. 原著喺2013-07-22歸檔. 喺2014-05-17搵到.

連出去[編輯]