河北

呢篇文章講嘅係中國嘅一個省。想搵廣州珠江北面嘅地區，睇下「河北 (搞清楚)」。

河北位置圖

河北係中華人民共和國一個省，叫河北省。個省響華北一帶，靠近渤海。佢畀多個省包圍住東北有遼寧，北有內蒙古，西有山西，南有河南，東南有山東。而佢中間包住北京同天津兩個直轄市。河北省簡稱冀，省城響石家莊。

河北，就係黃河以北嘅意思。佢原本叫直隸，係直接隸屬北京咁解。到民國時期1928年，搬首都到南京，就改名做河北，省會響天津。另拆察哈爾、熱河兩省出來。呢兩省響中華人民共和國時期先併返入去河北，而天津就拆出做直轄市。先改省會去保定，後改石家莊。