油塘站

油塘 Yau Tong

油塘站U2層月台

區 觀塘區 地區 油塘同鯉魚門

通車 2002年8月4號 站類 地面 月台類 2島式月台 月台數 4個 出口數 3個

途經 觀塘綫 將軍澳綫 代碼 YAT 服務時間 0559-0128 接駁交通 巴士、小巴

街道圖 港鐵網 車站位置

油塘站書法字

油塘站3號月台

油塘站A2出口

油塘站B2出口

油塘站係港鐵觀塘綫同埋將軍澳綫嘅一個跨月台轉車站，喺九龍觀塘區油塘，由2002年8月4號開始啟用。本站亦係最接近東區海底隧道嘅鐵路車站，嘅將軍澳綫中唯一一個位於九龍區車站。本站設有四個月台，所有月台都設有月台幕門。本站用鮮黃色做主要色調。

雖然本站屬於地面車站，亦同時係觀塘綫唯一一個地面車站，但係為咗避免對附近居民造成滋擾，成個車站俾石屎封住，令裏面嘅人以為身處地底。

車站結構

本站有3層，車站出口、大堂同商店位於U4層，並設有平台。而月台位於U1同埋U2層，畀乘客由觀塘綫同將軍澳互相轉車。

喺車站頂部，有一條預留通道，原本係用嚟畀市民來往鯉魚門廣場同喺B出口外面嘅商場，及後計劃改做購物街。但由於該商場未有發展，預留空間一直未有使用。

車站樓層

-	預留空間	未使用的行人通道
U4 大堂	大堂	出口、平台、行人通道往鯉魚門廣場
		客務中心、車站商店
		自動售賣機、自動照相機、自動櫃員機
U2 月台		路軌
	➋	往油麻地
	島式月台，左邊嘅車門將會打開
	➌	往寶琳／康城
		路軌
U1 月台 （地面）		路軌
	➊	往調景嶺
	島式月台，右邊嘅車門將會打開
	➍	往北角
		路軌

車站大堂

車站商店及自助服務

車站商店 七·十一便利店 美心西餅 鴻福堂健康快線 零食物語

自助服務 恒生銀行自動櫃員機 中銀香港自動櫃員機服務中心 自動照相機

車站月台

油塘站月台設有4個月台，位於U1層同U2層，所有月台都裝咗月台幕門。其中U1層係1號月台（觀塘綫往調景嶺方向）同4號月台（將軍澳綫往北角方向），並位於同一島式月台，方便由九龍過香港島嘅乘客，直接由觀塘綫月台行去將軍澳綫月台，轉往北角嘅列車，再經東區海底隧道過香港島。

U2層係2號月台（觀塘綫往油麻地方向）同3號月台（將軍澳綫往寶琳／康城方向），同樣位於同一島式月台，方便由香港島過九龍嘅乘客，直接由將軍澳綫月台行去觀塘綫月台，轉往油麻地方向嘅列車。

車站出口

縱使油塘站有唔少出入閘嘅人流，但大部分都集中用A1同A2出口，相反B1同B2出口則極少人流。因此地鐵公司曾經將B1出口暫停使用，並喺B2出口加上自動門，減少車站大堂冷氣流失。

• A1 - 油塘邨
  • 油塘邨、聖道學校、高翔苑、高俊苑、高怡邨、鯉魚門邨、鯉魚門廣場、福建中學附屬學校、天主教普照中學、油美苑、油塘中心
    • 設有輪椅升降台往返地面
• A2 - 高輝道
  • 高輝道、鯉灣天下、渡輪碼頭（西灣河）、高超道、鯉魚門、鯉魚門市政大廈、鯉魚門體育館、天主教聖雅各伯堂、四山街、衛奕信徑、嘉賢居、油塘魚類批發市場
• B1 - 油麗邨
• B2 - 茶果嶺道
  • 茶果嶺道、基法小學（油塘）、聖公會油塘基顯小學、油塘道
    • 設有升降機及失明人士引導徑往返地面

鄰接車站

	觀塘綫
黃埔 - 何文田 - 油麻地 - 旺角 - 太子 - 石硤尾 - 九龍塘 - 樂富 - 黃大仙 - 鑽石山 - 彩虹 - 九龍灣 - 牛頭角 - 觀塘 - 藍田 - 油塘 - 調景嶺

	將軍澳綫
北角 - 鰂魚涌 - 油塘 - 調景嶺 - 將軍澳 < 坑口 - 寶琳 康城

接駁交通

油塘站外觀

油塘站車站大堂

港鐵藝術《行人、閒人》

由於油塘站位於茶果嶺道附近嘅山邊，車站喺設計嗰時並冇設立公共運輸交匯處。因此喺啟用嗰時，唔少接駁巴士同小巴路線只能延伸至油塘站附近嘅鯉魚門道做中途站，乘客需利用A1出口嘅扶手電梯同油塘邨往返車站大堂同埋接駁工具嘅車站。

而大部份接駁巴士同小巴路線多數係連接藍田嘅廣田邨、茶果嶺一帶，部份住喺藍田東北嘅居民轉接駁工具往返油塘站，可直接去港島或九龍一帶，唔使搭多一程觀塘綫列車往返藍田站。

• 九巴：
  • 14 - 油塘 ↔ 中港碼頭
  • 14B - 藍田（廣田邨） ↔ 牛頭角
  • 14C - 鯉魚門（三家村） ↔ 觀塘（裕民坊）
  • 14S - 油塘 ↔ 將軍澳華人永遠墳場（淨係喺清明節或重陽節提供服務）
  • 62X - 屯門市中心 ↔ 油塘
  • 216M - 藍田鐵路站 ↺ 油塘鐵路站
  • 259D - 龍門居 ↔ 油塘
• 過海隧道巴士：
  • 603
• 九龍專線小巴：
  • 23C - 油塘站 ↔ 匯景花園
  • 24 - 三家村碼頭 ↺ 藍田啟田邨
  • 24M - 三家村碼頭 ↺ 油塘站
  • 63M - 藍田（廣田邨） ↺ 油塘站（只限繁忙時間服務）
• 新界專線小巴：
  • 108M - 維景灣畔 ↺ 藍田站

利用狀況

油塘站係觀塘綫同將軍澳綫嘅重要轉車站。因此每日繁忙時間都有好多乘客喺呢道轉車，往返香港島同九龍東一帶。所有利用東區海底隧道往返觀塘綫同港島綫嘅乘客，除咗要喺原有嘅鰂魚涌站或北角站轉車之外，要經將軍澳綫喺呢個站轉多一程車。因此大部份用呢個站嘅人流係轉車客，往返港島或九龍東一帶。所以，本站係香港九龍觀塘區較繁忙嘅港鐵站之一。另外，車站周邊有多個大型屋邨、學校、鯉魚門廣場及油塘中心，所以用本站出入嘅人流都係居住喺附近屋苑同屋邨嘅居民、中小學學生或者喺附近辦公室返工嘅市民。所以，本站平日都有平穩嘅出入閘人流。

而每逢清明節同重陽節，九巴特別路線14S服務期間，都會出現大批拜山人士由本站去聖安當女書院對開嘅巴士站搭該線上去將軍澳華人永遠墳場。到時警方可能會喺本站A出口實施人流管制，以分流大批拜山人士。雖然喺以上兩個節日嘅正日，14S會暫停服務，但仍然會有大量出入閘人流，而油塘站缺點就係令無數觀塘同藍田區市民轉用巴士前往港島區。

車站歷史

早期系統

內文： 觀塘綫

早喺1970年地鐵擬建嘅「早期系統」中，曾經建議喺而家油塘邨一帶設「馬游塘站」，係油塘站前身，但最後因為早期系統規模縮減，設站計劃被暫時擱置。直到2000年代發展將軍澳綫，油塘地區先有地鐵站。

將軍澳綫

內文： 將軍澳綫

油塘站喺2002年8月4號啟用。呢個站啟用後，觀塘綫所有列車唔再直接經東區海底隧道過海。觀塘綫同將軍澳綫嘅上行綫總站由香港島嘅北角站臨時改做呢個站，為期2個星期，以方便乘客熟習新轉車安排。同時間，北角站同鰂魚涌站亦暫時改屬將軍澳綫嘅短線，列車離開鰂魚涌站同埋東區海底隧道路段之後，唔再前往藍田站，改行一段新起嘅路段前往呢個站。此外，連接東區海底隧道至藍田站嘅路段亦完全停用。

8月18日，地鐵將軍澳綫一期通車，觀塘綫嘅上行綫總站正式改做新界西貢區嘅調景嶺站，而將軍澳綫亦正式改以位於將軍澳嘅寶琳站做上行綫總站，本站成為觀塘綫同將軍澳綫嘅中途站。

鰂魚涌站同北角站嘅路段改動之後亦成為將軍澳綫同港島綫嘅轉綫站。搭觀塘綫嘅乘客前往香港島要喺呢個站轉將軍澳綫列車，經東區海底隧道過海，再到鰂魚涌站或北角站轉港島綫。

將軍澳綫新行車模式

為配合康城站喺2009年7月26號啟用，將軍澳綫喺7月19號開始實施新行車模式。繁忙時間（平日上下晝、星期六上晝）列車以四班做一組，每隔2分30秒一班，頭三班列車將來往寶琳站，第四班就來往康城站。四班列車聯合服務將軍澳站至北角站一段路線，實際上係加密咗班次，但係去寶琳站同坑口站嘅列車就減少，等車時間亦會長咗。

而喺非繁忙時間，若果乘客要去康城站，要喺調景嶺站或者將軍澳站轉康城穿梭列車。

上一站‧下一站

上一站		港鐵		下一站
藍田 往油麻地		觀塘綫		調景嶺 總站
鰂魚涌 往北角		將軍澳綫		調景嶺 往寶琳
		將軍澳綫 繁忙時間康城站班次		調景嶺 往康城

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
➊	往調景嶺	2.1	2.4	2.5	4-5			0607	0108
➋	往油麻地							0609	0026
	往彩虹							0609	0109
	往觀塘							0609	0118
➌	往寶琳	2.5/5			4-5			0619	0118
	往康城	10			不設服務			繁忙時間服務
➍	往北角	2.5			4-5			0609	0059