沿江路 (廣州市區)

出自維基百科,自由嘅百科全書
沿 江 路
YANJIANG ROAD
沿江西路嘅路牌(越秀區海珠南路口嗰嚿)
沿江西路嘅路牌(越秀區海珠南路口嗰嚿)
性質: 主幹道
全長: 2.946公里
行車線: 2~3車道
除咗人民南路北京路:雙行綫
凈低嘅都係西向東嘅單行線
地區: 廣州市荔灣區越秀區
起點: 六二三路鎮安路西堤二馬路嘅交界
終點: 東湖路二沙橋
主要建築: 南方大廈
中山大學孫逸仙紀念醫院
粵海關舊址
西堤碼頭
天字碼頭
沙基慘案紀念碑
愛羣大酒店
江灣大酒店
塔影樓
大同酒家
永安堂
廣州郵政博覽館
黃埔軍校同學會舊址
海山樓遺址

喺珠江主航道北邊嘅沿江路粵拼jyun4 gong1 lou6)係中國廣東廣州嘅東西走向主幹道,喺荔灣區越秀區入面,西邊從六二三路鎮安路西堤二馬路嘅交界開始,一直向東去到東湖路二沙橋腳嗰頭。而駕駛方向除咗人民南路以西呢橛,同埋北京路以東嗰橛凈係畀從西向東行嘅單行線之外,其它部份都係雙向行駛。呢條路響1920年起,一直到1956年先至鋪好。

概要[編輯]

全長2946米,闊11~20米,2~3車道。除咗人民南路以西呢橛,同埋北京路以東嗰橛凈係畀從西向東行嘅單行線之外,其它部份都係雙向行駛。而呢條馬路係分開咗西、中、東三條。

沿江路嘅三條道路,起點到終點[編輯]

[編輯]

1920年代嘅東堤
1930年代嘅西堤。右邊係而家嘅南方大廈,東邊隔籬係而家嘅廣州郵政博覽館
1930年代嘅西堤。喺西堤碼頭嗰邊向南望過去,對面就係河南

早期嘅沿江路[編輯]

其實喺好耐之前,呢度重係珠江北邊嘅一笪沙灘。不過到咗1920年,嗰時嘅市政府喺逐漸被嚟負責起堤壩,結果就整咗條馬路出嚟,嗰時條馬路就改咗「南堤大馬路」嘅名。到咗1932年就喺珠江西邊搞填河計劃,結果將珠江北邊嘅淺灘改咗嚟起兩條馬路。其中一條係新堤大馬路,重有一條係西堤馬路。嗰時嘅新堤大馬路好短,凈係從南方大廈去到太平南路(而家係人民南路)口嗰邊。而呢條馬路喺1940年嗰陣改咗嗌,新堤大馬路同西堤馬路一齊合併,重嗌咗「哲生路」嘅名[註 1]。喺20世紀50年代之前,嗰時嘅「哲生路同南堤大馬路」凈係從而家沙基嗰邊去到八旗二馬路附近嗰頭。

到咗1951年,八旗大馬路就改咗嗌「東堤大馬路」嘅名。而沿江東路嗰橛就喺東堤大馬路改咗名之後嘅第5年(1956年)起好咗。

文化大革命時期[編輯]

喺1966年,由於文化大革命爆發,廣州市入面有好多條馬路改咗名,呢條馬路亦唔例外。就喺1967年,哲生路就改咗名嗌「沿江一路」;東堤大馬路就改咗名嗌「沿江二路」同「沿江三路」;而沿江東路就變咗「沿江四路」嘅名。

又再改次名[編輯]

到咗1982年,之前嗌過「哲生路」同「東堤大馬路」呢兩條路,就一直冇再恢復返之前嘅名,而係分別改咗嗌「沿江西路」同埋「沿江中路」。到咗1984年,之前嗌過「沿江四路」嘅名條馬路,就改返之前嗌過「沿江東路」嘅名重一直用到而家。

經過嘅道路[編輯]

呢度啲馬路係從西向東嚟排,其中加粗咗嘅字係主幹道:

特色[編輯]

之前呢條馬路俾人話成係「廣州嘅外灘」,喺1912年開始,沿江路同長堤一帶都係廣州市入面,最繁華嘅街道,其中有好多老字號嘅品牌檔,但係到咗20世紀尾就開始行向衰落。喺廣州嘅一河兩岸嘅燈光工程入面,呢條馬路嘅建築係經過重新裝修同改造過。而廣告招牌同霓紅燈、古樹嗰方面,都幾多下。半佬重有酒吧飯店等呢啲場所。雖然喺沿江西路入面有好多西方特色嘅洋樓建築,但係一到咗沿江東路嗰邊就好冷清喇,因為大沙頭嗰帶係賣電子產品嘅舖頭。

沿江路酒吧街[編輯]

喺沿江西路嘅仁濟路到解放南路之間係一條酒吧街,每晚到亥時就好熱鬧。嗰度重俾廣州街坊話係「時尚夜生活一條街」。

[編輯]

  1. 嗰時嘅「哲生路」係分開咗4條路出嚟。而所謂嘅「哲生」,就係嗰時廣州市嘅市長——孫科嘅字