泰利

出自維基百科，自由嘅百科全書

泰利（John George Terry，1980年12月7號—）係英格蘭足球員，打後衞，現時效力英超球會車路士，佢亦係英格蘭國家隊隊長。

佢好早就打車路士，主要負責中路防守。佢係響2004年歐洲國家盃打出名堂，無耐佢做埋球會隊長。佢效力車路士嗰陣，有兩屆英超冠軍都破晒紀錄：第一屆（2004至2005年度）聯賽榜積分創歷史新高，第二屆（2005至2006年度）頭兩個月已經玩晒咁滯，連曼聯排聯賽第二，都要俾車路士拋離13分。

佢係英超數一數二高薪球員。好似2007年佢同車路士續約，週薪就高達十三萬一千英鎊。因此引嚟爭議。好似英國體育大臣認為泰利人工太高，但車路士話佢嘅人工係物有所值。

2009年泰利拒絕曼城嘅邀請，留效車路士，及後車路士畀咗佢一份四年合約，週薪調升到十五點一萬英鎊。