手提電話

出自維基百科,自由嘅百科全書
(由流動電話跳轉過嚟)
舊式手提電話

手提電話,或者流動電話(英文Mobile phone),簡稱手提手電或者手機,係可以周圍都講到嘅電話,唔使喺固定地點用。除咗好似傳統電話咁可以用來傾之外,新一代手提電話可以用來打短訊、收發電郵,甚至可以上互聯網,影相錄片同埋打機。

新式可摺疊式智能電話,三星Galaxy Z系列

手提電話係一推收發站來維持通訊,站連住公共電話網絡,咁樣,呢推站組成手提電話網絡。站與站之間訊號係會重疊,以免通訊中斷。早期叫手提電話網絡做蜂窩,因為網絡覆蓋就好似蜜蜂竇裏面嘅格,一個貼住一個。六角型分佈可以起最少嘅站,最大覆蓋率。英文蜜蜂竇一格格叫Cell,所以英文又叫做Cellular phone

有一啲電話都好似手提電話周圍傾,不過就唔係用手提電話網絡。衛星電話就係一例,係直接同天上面嘅人造衛星轉駁。呢類一般都唔當係手提電話。

早期手提電話都幾大部,大細同水壺差唔多,重有人整電話型嘅水壺賣,所以啲人就叫佢做水壺,因為只係有啲錢嘅人先會用,所以就係身份象徵,啲人就叫佢做大哥大

另一講法係,香港電視節目星星同學會有集搵咗洪金寶做嘉賓,話大家叫成龍做「大哥」,洪金寶輩份重高過佢,所以大家叫佢做「大哥大」;而佢又自稱係香港第一個擁有手提電話嘅人,所以手提電話就因為佢而有「大哥大」之稱[未記出處或冇根據]

再有一講法係,手提電話重未有正式名嗰稱,香港人習慣叫「室內無線電話」做「無線電話」,同時亦有部份人叫手提電話做「無線電話」。無幾耐,有套叫《英雄本色》嘅港產片,片中有個叫「大哥大」嘅角色成日揸住呢種手提電話,所以啲人就叫手提電話做「大哥大電話」。

睇埋[編輯]