流花湖公園

出自維基百科,自由嘅百科全書
流花湖公園正門
曾經喺2017年執咗嘅唐苑酒家,花名「白宮」。

流花湖公園粵拼lau4 faa3 wu4 gung1 jyun4*2[註 1]廣東廣州越秀區西部一個公園。公園西邊貼住荔灣區。1958年,廣州市政府為咗解決成日水浸街嘅問題,組織咗啲市民嚟做義工,起咗4個人工湖。流花湖係其中之一,後嚟先至變成公園。嗰陣時係屬於廣州市建設局園林處管轄;到咗1965年8月畀咗越秀公園嘅管理處去管理;但係到咗1980年9月,又畀咗廣州市園林局去管理。流花湖個名來自湖東北邊嘅南漢古蹟流花橋。呢間公園喺1986年重入選咗羊城八景,嗌「流花玉宇」。

地理位置[編輯]

呢間公園嘅東邊係人民北路;南邊喺東風西路;西邊係站前路;北邊係流花路

面積[編輯]

呢間公園嘅佔地面積係54萬平方米,其中水域面積係33萬平方米,入面有3個大湖、4個細湖。公園入面嘅植物都係亞熱帶為主。其中湖水嘅面積佔60%,綠化面積佔咗公園陸地面積嘅88%。

景物[編輯]

公園入面有棕櫚植物、榕屬植物、開花灌木同埋好闊嘅草地、湖面同埋輕巧通透嘅嶺南建築物,相配合形成咗具有強烈東南亞熱帶特色嘅自然風光。其中公園嘅北區有又窄又長嘅草地向兩邊延長,喺公園西邊嘅大湖上面,重有一個面積有三千幾平方米嘅鳥島,喺個島入面有好多隻雀仔喺度飛下飛下咁。重有大面積落葉松林同埋蒲林茶座、桃源飯店、蔭生植物棚等其它設施。

景點[編輯]

公園入面嘅鳥島附近,有睇雀嘅茶座同埋觀鳥台。公園嘅東邊有西雙版納風光嘅庭園——猛力園,同埋石寶、瀑布、浣溪女、杜鵑園、南海漁村酒家。公園嘅中間有新光花園酒家,健身樂苑。南邊重有個廣州少年宮。公園嘅西邊有盆景園同埋好出名嘅流花鳥苑。公園嘅北邊重有為唔同年齡嘅遊人提供遊樂休閒場所嘅天地榕蔭遊樂場,以及寶象樂園、羽毛球場、浮丘園同芙蓉洲等設施同景點。重有集魚趣、農趣、園趣、陶趣、童趣嘅農趣園,而遊人喺體驗到農家生活樂趣嘅同時重好深切噉體會到返到大自然嘅舒暢同埋樂趣。

[編輯]

  1. 「花」字聲調有變化

座標: 23°08′19″N 113°14′44″E / 23.1387°N 113.2455°E / 23.1387; 113.2455