海洋哺乳動物
出自維基百科，自由嘅百科全書
所謂海洋哺乳動物，就係指一啲長時間喺個海裏面生活，或者係需要靠海洋資源為生嘅哺乳動物。當中有啲需要返上陸地度休息或繁殖，一啲就唔駛。
現時有5種海洋哺乳動物：
唔同嘅海洋哺乳動物，都有唔同嘅祖先，依啲就係進化。但係科學家相信，所有海洋哺乳動物嘅祖先都係源自陸地，部分後嚟因為食物同逃避捕獵者先至返入去海裏面，而手腳開始變成鰭形，身體亦都變到好流線形，等到游水搵食時可以快啲同方便啲。佢哋同魚唔同嘅地方，就係佢哋係溫血動物，同條尾係上下咁發，而唔係似魚咁左右咁發！
除此之外，海洋哺乳動物同其他水生動物唔同嘅例子仲有：
- 佢哋係用肺呼吸，需要上岸或者水面呼吸氧氣；
- 佢哋有毛髮。就算係鯨豚目都有啲毛，但只有稀疏嘅毛喺個頭或者個口度。所有食肉目就更加唔駛講啦(不過啲毛就薄的！)而海豹細個時都係全身毛嘅
- 佢哋嘅皮下脂肪非常厚，咁樣可以防止水份同熱量流失；
- 佢哋全部都係胎生嘅，好多海洋哺乳動物都係生一胎，而啲仔生世後都要飲奶。佢哋嘅奶脂肪含量比其他陸上哺乳動物都高，差唔多接近4至5成；
雖然北極熊一般都會揀陸上度行，但係當啲冰融咗之後，佢哋都會係咁游，一日之內仲可以游到74公里添！所以一啲科學家都會將佢哋列埋海洋哺乳動物。
[編輯] 貢獻同研究
外國都有好多環保組織都有研究海洋哺乳動物，因為佢哋對氣候轉變嘅敏感程度都好高，加上佢哋亦係生態系統裏面重要嘅成員。亦都有好多唔同嘅動物園同海洋公園都會飼養﹑繁殖佢哋，甚至囉佢哋嚟做馬戲表演！
