深水埗運動場

出自維基百科,自由嘅百科全書
深水埗運動場

深水埗運動場香港田徑運動場之一,喺長沙灣興華街三號,介乎長沙灣道荔枝角道之間,另一邊為長沙灣徑,英文叫Sham Shui Po Sports Ground。行政上歸深水埗區。設施有運動場草地球場籃球場投球場,以及十一人足球場七人足球場。歸康樂及文化事務署管。一九八八年一月九號開張,當時由前市政局議員范錦平主持。

球場曾經喺1990年代尾舉行甲組足球聯賽,目前亦有舉行乙丙組聯賽賽事。

特別活動[編輯]

1999年渣打馬拉松首次移師喺香港島中環作起點,途經西區海底隧道長青隧道,並且喺呢度做終點[1]

2005年5月22號香港童軍九龍地域舉辦「千人同心快樂傘」齊創紀錄活動,經過嚴格審訂後,嗰次活動已列入《健力士世界紀錄大全》,用嚟記住當日同時有一千三百名參加者舞動快樂傘遊戲[2]

2007年10月19號嗇色園黃大仙祠青松觀舉行香港歷來最大型嘅禮斗科儀法會「慶十載回歸 迎08奧運 為香港市民祈福禮斗大典」,為全港市民及中華奧運健兒祈福[3]

設施[編輯]

有蓋看台、一個草地足球場同一條長400八線嘅田徑跑道

參考[編輯]

  1. . 原著喺2007年3月14號歸檔. 喺2007年7月26號搵到.
  2. 港童軍九龍地域PDF格式 (PDF). 原著 (PDF)喺2007年9月28號歸檔. 喺2007年7月26號搵到.
  3. 十載回歸 迎08奧運 為香港市民祈福禮斗大典. 原著喺2007年9月28號歸檔. 喺2007年7月26號搵到.

出面網頁[編輯]

座標: 22°20′14″N 114°09′07″E / 22.3371°N 114.152°E / 22.3371; 114.152