渣打銀行 (香港)

出自維基百科,自由嘅百科全書
跳去: 定向搵嘢

渣打銀行1859年開始晌香港發展業務,又晌1862年開始晌香港發行港元銀紙,而家亦係香港銀行公會[1]三間主席銀行之一。現任行政總裁蘇利民(Peter Sullivan)。

產品同埋服務[編輯]

晌香港,渣打銀行嘅個人銀行服務提供咗多樣嘅產品同埋服務,包括信用卡、私人貸款按揭存款同埋財富管理咁。

近況[編輯]

2004年7月1號,渣打銀行完成咗晌香港註冊嘅手續,將渣打銀行香港分行、Manhattan Card Company Limited、Standard Chartered Finance Limited、Standard Chartered International Trade Products Limited 同埋 Chartered Capital Corporation Limited 嘅業務注入歸納晒入嗰年3月晌香港註冊嘅渣打銀行(香港)有限公司,立法會亦已經修訂法定貨幣紙幣發行條例,將渣打銀行嘅發鈔權畀咗渣打銀行(香港)有限公司。

2005年7月,香港渣打宣佈同香港迪士尼樂園簽咗為期五年合作協議,成為樂園嘅指定銀行,晌樂園開幕之後會晌園內設置七部銀通櫃員機畀遊客用。

雖然香港銀行2006年開始行五日結算,但係渣打銀行反而晌嗰年9月開始全線分行提供六日全日服務(包括櫃檯服務)。

渣打集團(渣打銀行(香港) 母公司)晌倫敦同埋香港嘅交易所都有上市,並且名列富時指數頭25間公司(以市值計算)之一。倫敦交易所上市代號係 STAN;香港交易所上市編號係 2888。

2009年為紀念渣打銀行喺香港成立150週年,發行全球首張一百五十元鈔票。渣打銀行今次總共出咗100萬張面值150蚊嘅紀念鈔。

參考[編輯]

出面網頁[編輯]