港式英文係指響香港，口音同特徵受廣州話影響嘅英文。佢唔係一種混合語言，只係英文受本地影響嘅一個分支。某程度上，同中式英文有關 [未記出處或冇根據]。
英文係香港嘅法定語言，香港人係由學校度學識英文，唔少都係由幼稚園學起。不過好少小學用英文敎；中學有唔少；大學就差唔多都係用英文敎。商業上，大部份主要用英文。
響香港開埠早期，識講英文嘅華人好少，唔少都會透過通勝學識一啲英文字。通勝裏面有一兩版係將英文譯返做廣東話。例如，英文dinner（晚餐），就會用中文字寫做甸那（din na）；另外重有好似柯打（order）咁。
