港澳碼頭 (香港)

出自維基百科,自由嘅百科全書
跳去: 定向搵嘢
港澳碼頭
港澳碼頭夜景
港澳碼頭等候區
港澳碼頭開幕牌匾

港澳碼頭,全名港澳客運碼頭或香港至澳門客運碼頭,係香港目前主要嘅碼頭口岸,1985年9月27號啟用,位於香港香港島上環信德中心,提供往來香港同埋澳門嘅高速客輪服務。碼頭設有入境事務處上環出入境管制站以及海關設施。碼頭可應付每年1,500萬嘅旅客量,設有內、外兩座碼頭,中間有60公尺闊嘅水道畀船行,並以行人天橋連接。

除咗澳門航線外,港澳碼頭亦提供中山珠海、深圳蛇口、廣州南沙等地方航線服務。

直升機坪[編輯]

碼頭天台亦設置直升機停機坪,名為空中快線直升機場,由空中快線直升機有限公司(之前叫港聯直升機(香港)有限公司)營運,提供來往港澳嘅直昇機航班,由香港上環往澳門新外港碼頭大概要 16 分鐘,澳門新外港碼頭往香港上環大概要 19 分鐘。

另外,直升機場亦提供包機服務,前往澳門新外港碼頭、澳門國際機場、深圳寶安機場及廣州白雲機場。

跨境渡輪[編輯]

碼頭提供多條航線來往香港、澳門及廣東嘅主要碼頭:

[編輯]

從前,上環港澳碼頭係露天嘅小碼頭,賣船飛個位都係露天嘅。喺信德中心啟用之後就移入室內,稱為港澳客運碼頭

佢附近喺史上有著名嘅上環大笪地,係「平民夜總會」,有賣武南拳北腿、唱戲賣藝、睇掌相面相,賣涼茶果汁西瓜汁、成衣皮帶,以及其他日用品嘅晚間流動小販

睇埋[編輯]