唐文
唐文，亦叫中文、國文、華文、漢文，或者單叫文，係指以唐字，寫唐話。由於唐話各異而不互通，而唐文向來重義不重音，所以不同唐話，甚至日本話、韓國話、越南話，一樣可以按自己音，讀通唐文，明解唐文。
古人寫文，不必通曉外文，所以只係叫文。後見世界交通頻繁，先至冠以中、華、漢、唐，以別番文。
由唐文用唐字寫，而唐字，各處讀有異，所以學唐文，只需用自己唐話就可以。
而學講唐話，就同學唐文，係有所分離。
喺當今中華民國，佢哋叫唐文做國文，以國語爲準。而中華人民共和國，則文話混爲一談，以普通話爲準，稱爲漢語。香港學唐文，叫中文，以廣東話音爲準，文法以國文同文言文爲準。
[編輯] 唐字
- 內文： 唐字
學唐文必先寫唐字，唐字基本同原音分離。
唐字最喺商代就有，當時寫法同現今大有分別，但仍可得出脈絡。由甲骨文開始，之後有大篆、小篆、隸書、草書、行書、楷書等書體變化。秦始皇統一中國，李斯整理小篆。由於種種唐話，音各殊異，本不可溝通，但唐字在字音之外，地域交流，絕無問題，古此亦係維持中國統合嘅因素之一。
東漢許慎，寫《說文解字》，分造字法爲六書，卽係象形、指事、會意、形聲、轉注、假借。而象形、指事、會意、形聲四項，係造字法；而轉注、假借，係用字法。三千幾年嚟，唐字寫法，變化唔大，後人讀古文，從無障礙。
喺近代，就於西方文明先進，從而將東方落後，歸咎唐字，以拉丁字母書寫，成一時風尚。喺過渡成拉丁字母之時，亦有簡化字之舉。越南因法國統治緣故，全面用拉丁字母。韓國棄唐字，用諺文。日本係改以假名爲主。中華人民共和國，則以民間俗字同草書楷化，作爲簡化字稿。1956年1月28號審訂通過《簡化字總表》，喺中國同新加坡用到而家。
臺灣、香港同澳門就一直用正筆字，唔用簡化字。
[編輯] 唐話
- 內文： 唐話
唐話係世界上最多人講嘅話之一，世界上五人，有一人講唐話大。喺中國大陸、臺灣、新加坡同馬來西亞等地，唐話係官方語言之一。聯合國文件，亦備有唐文。
唐話雖然多人講，但唐話實爲好多隻話。而且音有殊異，不能互通。古人以鄉音爲榮。民國時試分唐話做七：北方語、吳語、湘語、贛語、閩語、粵語、客語。北方語，卽係官話。吳語，卽係江浙話。湘語，卽係湖南話。贛語，卽係江西話。閩語，卽係福建話。粵語，卽係廣東話。客語，卽係客家話。當然呢啲只係好龍統咁分，有啲大類之內，都唔互通。
大清時皇帝曾想一統語音，以官話爲準，但不成功。中華民國受西方一國一話，同日本國語影響，推行國語，以北京音造一隻新話。中華人民共和國，亦以國語爲基，推行普通話。香港同澳門，官方以廣東話爲準。
[編輯] 睇埋
